رواية جنون الحب

فارس: اللى اختارتها احلى
حور بطفولة: انا عايزة افضل نايمة كدا ومبعدش عنك ابدا
فارس: تيجى ننام احنا الاتنين 

حور: طب والناس اللى برا
فارس: سيبك منهم خلينا فى نفسنا
دخلت سمية ولاقيت حور وهى نايمة فى حضن فارس
سمية بضيق: ابعدى يختاى ابنى مش حمل دلعك
حور كانت هتبعد بس فارس مسكها وهمس فى ودنها: خليكى
فارس: فيه حاجه يا ماما
سمية: بنات اخر زمن اجبلك تاكل عشان العلاج اللى بتاخده
فارس: لا مش جعان وبعدين انا مش عايزة اتعبكوا انزلوا انتوا وانا مراتى معايا
سمية: وهى دى بتعرف تعمل حاجة ما انت اللى كنت بتعملها كل حاجه

فارس: عاجبنى يا امى ومشتكتش لحد ومية مرة اقول دى حاجات تخصنى انا ومراتى وياريت محدش يدخل فيها
سمية وهى بتخرج وبتتكلم بعصبية: والله لو سحرالك ما هتحبها كدا 

فى بيت عاصم السيوفى
: هيثم باشا فيه واحدة عايزاك برا وبتقول عايزاك فى موضوع مهم
هيثم باستغراب: مين
: انا

.هنا: انا
هيثم بضيق: انتى بتعملى ايه هنا
هنا: جيت اطمن عليك يا هيثم واشوفك لو محتاج مساعده
هيثم بغضب: وانتى شايفنى مشـ’لول قدامك يعنى
هنا بحزن: هو انت ليه بتتعامل معايا كدا دا انا حتى بحبك وبرغم كل اللى انت عملته مهنش عليا وقولت اجاى اشوفك

هيثم بخبث: طب بقولك ايه يا هنا
هنا: نعم
هيثم: ما تيجى تساعدينى اطلع اجيب حاجه من اوضتى
هنا بخوف: طب ما تقول لحد من الخدم
هيثم: انا عايزاك انتى تعالى يلا انتى خايفة منى ولا ايه
هنا: لا مش كدا تمام جاية
بدأت تساعده يطلع اوضته طلعوا اوضة هيثم قفل الباب بخبث وشر
اللهم صلي وسلم وبارك على سيدنا محمد وعلى اله وصحبه اجمعين ♥️ 

هنا بخوف: انت قفلته ليه
بدأ يقرب منها وهى تبعد لحد اما خبطت فى حياطة وراها
هنا بخوف شديد: انت عايز منى ايه
هيثم: وهعوز منك ايه يعنى انتى اللى جيتى بيتى وانتى اللى حطيتى نفسك فى الموقف دا

هنا ببكاء وخوف شديد: انا عايزة اخرج من هنا
هيثم: تخرجى ايه مش بالسهولة دى يا هنون انا هاخد حقى من صاحبة عمرك منك انتى
هنا بخوف: يا هيثم حرام عليك انا اذيـ’تك فى ايه سبنى اروح بالله عليك
هيثم: تؤ تؤ هو مش انتى بتحبينى ونفسك ابقى معاكى
هنا ببكاء وعصبية: بقولك ابعد عنى
: حضرتك استاذ باشا مشغول ومش هيقابل حد
على بعصبية مفرطة بعده ودخل: اوعى
طلع بسرعة كبيرة لغرفة هيثم وكسـ’ر الباب بقوة
على وهو بيشد هيثم بعيد عن هنا: انت بتعمل ايه يا حقـ’ير
هيثم: فيه ايه انت كمان وانتى ازاى دخلت هنا
علي بعصبية مفرطة: والله العظيم لو كان فيك حتة لكنت علمتك ازاى تعمل اللى انت كنت هتعمله يا ريت فارس كان قتـ’لك وخلصان منك يا واطـ’ى

هيثم: هى اللى جت لحد بيتى انا مغصبتهاش على حاجه
علي بص لهنا اللى كانت واقفة بترتعش من خوفها اتكلم بغضب وعصبية مفرطة اداها مفاتيح عربيته
: انزلى افتحى العربية واقعدى فيها عبال ما اجاى
هنا بخوف شديد: حاضر
استغفر الله العظيم الذي لا اله الا هو الحي القيوم واتوب اليه ♥️
هنا نزلت بسرعة وعلي بص لهيثم بغضب شديد
: والله لو فكرت بس انك تقربلها لهكون مخـ’لص عليك بأيدى يا ابن عاصم السيوفى
هيثم بسخرية: ايه دا هو مستر علي بيحب ولا ايه بس تصدق صعبان عليا حبيت واحدة محبتكش ومعتقدش انها هتحبك عارف ليه عشان اللى فى قلبها واللى هتـ’مoت عليه هو انا وبس

علي وهو بيمسكه من شعره بقوة وغضب: تصدق بالله يا هيثم انا اوقات كتير بشفق على حالتك بجد انت اللى زيك يبنى مينفعش يعيش وسط بنى ادمين كدا حقيقى ربنا يعافيك من اللى انت فيه
سابه وخرج وهو بيبصله بسخرية وغضب وكان بيتمنى فعلا لو يقتـ’له
نزل وركب عربيته بغضب
: اوصلك فين 

هنا ببكاء: انا اسفة
على بعصبية مفرطة: بتعتذرى على ايه اعتذرى لنفسك وعلى اللى بتعمليها فيها
كمل وهو بيضحك بسخرية عكس ما يوجد بداخله من بركان
: روحتيله بيته ليه بقى مكنتيش قادره تبعدى عنه اوى كدا
هنا ببكاء: والله لا انا بس كنت رايحة اطمن عليه انا مش كدا يمستر والله انا مش زى ما هو قال عليا

على بغضب: انتى عارفه انى لولا انى رقابتك لما مركبتيش الباص مع زمايلك ولحقتك كان ممكن يعمل فيكى ايه
هنا: شكرا
على: هو انا بقولك كدا عشان تقولى شكرا انتى ازاى تثقى فى واحد زى دا لدرجة انك تروحيله بيته انتى ايه مخك مش موجود وقفتى عقلك وفكرتى بس بقلبك
هنا: كنت مفكره كويس كنت بشوفه بقلبى اللى محبش غيره انا بحب هيثم من ساعة ما كانا فى اولى ثانوى
بصلها بألم شديد حس ان قلبه بيتقـ’طع من كلامها هو ااه عارف انها بتحبه بس مكنش عايز يسمعها منها مكنش يعرف انها بتـ’وجع اوى كدا فضلوا ساكتين طول الطريق فى وسط بكاء هنا
حور بزعل: انا مش عارفه مرات عمى بقيت بتتعامل كدا ليه
فارس وهو ماسك ايديها وبيتكلم بحنية مفرطة
: هى بس مضايقة عشانى شوية كدا وهتسامحك انتى عارفه انها بتحبك وبتعزك زى ليلى
حور: كنت مفكرة كدا لكن هى طلعت بتكرهنى انا بجد زعلانة اوى هى عندى زى ماما
فارس بحب وهو يقبـ’ل رأسها: متزعليش والله كله هيتحل ماما عايزنى بس مبسوط وانا مبسوط ومرتاح معاكى ومش هرتاح مع حد تانى هى اول اما هتفهم دا مش هتزعل منك تانى
حور وهى بتتنهد بحزن: تمام 

فارس: روقى بقى
حور: ما انا كويسة أهو فارس
فارس: قلبه
حور: هو انت كدا سامحتنى صح
فارس: هو انا اصلا كنت زعلت منك عشان اسامحك يا حورى
حور بزعل طفولى: ايوا كنت زعلان منى وكنت بتعاملنى وحش
فارس: خلينا ننسى اللى فات يا حور ونبدأ من جديد
حور بفرحة وهى بتشدد من مسكتها ليه: بجد يعنى خلاص كدا
فارس بحب: خلاص كدا وبعدين يا ست هانم ايه اللى قعدك انهاردة من المدرسة
حور: هسيبك وانت كدا مينفعش