روايه رائعه منقوله
انا يعني لازم اعلقها لما تغلط عشان ارضيكي يا مروة انا مش بحب ازعل بنتي الوحيده ولا بحب حد يزعلها
مروة
ماهو قلبك الطيب الحنين ده اللي هيودي البت في داهية
فوزي
طيب اشهدي انتي ياحماتي وليد اللي بتتكلم عنه ده يبقا. راجل كبير ويمكن قدي في السن يعني زي ابوها معقوله اقولها وخلي بالك من نفسك منه ومتتكلميش معاه وافتح عيون البنت انه ممكن الراجل ده واخليها تخاف منه بدل مكانت مدياله الأمان
فوزي
عارف وبشوف ومتابع كل حاجة بس برضو وليد راجل محترم وهيحافظ على بنتي وعمره ما ياذيها
مروة
طيب يافوزي دي بنتك وانت حر فيها بقا هو انا هخلص منك ولا من بنتك
فوزي
طيب نادي عليها بقا خليها تجهز نفسها عشان نمشي ياحبيبتي
وفي الوقت ده كانت ايمان بتكلم وليد ودخلت عليها مروة وقالت
ايمان
دي دي سلمي صاحبتي ياماما كنا بنتكلم انا وهي في موضوع الدرس بتاع امبارح
مروة
طيب يلا البسي عشان بابا جه وهنرجع معاه البيت
ايمان بفرحة
بجد يا ماما هييييييييييه انا اقوم البس حالا اهو
وفعلا لبست بسرعة وخرجت بره وقالت
بابا حبيبي وحشتني اوي اوي الحمد لله انك جيت عشان تاخدنا البيت وحشني اوي واوضتي
شوف ياختي البنت بتعمل ازاى اللي يشوفها كده يقول اننا كنا بنعذبها
فوزي
ههههه ايمان عيلة وفرحانة ياحماتي وبعدين انتي كتر خيرك اوي لحد كده انك استحملتي مروة وبنتها الايام دي كلها عندك
مروة
ياسلام وهي ماما كانت اشتاكتلك يافوزي عشان تقول كده
فوزي
والله ابدا دي حتى هي كانت مبسوطه بوجودكم معاها
والله يابني ربنا اللي يعلم اني كنت فرحانة اد ايه وكمان مروة وايمان كانو مالين عليا البيت
مروة
ربنا ما يحرمني منك يا ماما يارب انا اكيد يومين وهجيلك تاني
ايمان
بس والنبي ياماما ابقي تعالي لوحدك هنا عند تيتة
الجده
بقا كده يا ايمان مش عايزة تيجي عند تيتة تاني ده انا حتى بحبك اوي لا انا زعلانة
حبيبتى ياتيتة والله مقصدش حاجة انا بس عشان مش برتاح الا في سريري متزعليش مني بقا
مروة
طيب يلا بينا يا لمضة انتي مع السلامه ياماما
ورجعت البيت ولقيت هند جايه تقولي
حمد الله على السلامة يا مروة ايوه ارجعي بيتك ونوريه ياحبيبتي وفي الوقت ده روحت البيت وبعدها بكام يوم جت هند اقعدت عندي وقالت
انا مكنتش ناوية ارجع خالص ياهند بس هو فوزي اللي جه واترجاني عشان ارجعله تاني
هند بغيرة وغيظ مكتوم
والله بقا كده امممم
مروة
ايه ياهند في حاجة ولا ايه مش
عارفه ليه حاسه ان طريقه كلامك كده مش طبيعه
هند
ها
لا ياقلبي ده انا حتى بقول كويس ان جوزك عمل كده والله ده ابن حلال وانتي المفروض متزعليش منه
مروة
انا عارفه ان فوزي بيحبني اوي وبيحب ايمان بنتة عشان كده جالي واترجاني ارجع وفي الوقت ده دخلت ايمان من برا وقالت
ايمان
ازيك ياطنط هند عامله ايه عن اذنك انا داخلة اوضتي لاحسن راجعه من برا تعبانه اوي
هند
الله هي بنتك مالها يامروة دي مسلمتش عليا زي ماكون كنت
مروة
معلش ياهند استني هدخلها اشوفها
هند
لا ياحبيبتي خلاص انا همشي بقا عن اذنك
ومشيت هند ودخلت لايمان وقولت
مروه
انتي ازاى يابنت انتي تكلمي طنط هند كده وتسيبها وتدخلي على اوضتك من غير حتى ماتسلمي عليها
ايمان
انا مش بحب طنط هند دي ياماما وحضرتك عارفه اني مش بحبها
مروة
نفسي اعرف هي عملتلك ايه عشان تكرهيها الكره ده كله دي حتى بتحبني وبتعتبرني زي اختها
ايمان
ايوه ايوه فعلا زي اختها اوووي
مروة
بنت غريبة جدا انا هاروح احضر الغدا بابا زمانة راجع
سبتها ورحت المطبخ
