_انتى واحده مش قد المسئوليه ام مستهتره ولا بتعرفي تتعاملى مع اطفالك ولا بتعملى حاجه في البيت
_الله يرحمها هى كمان
_ياااه انت بتدعيلهم بالرحمه بعد دا كلو
_عادي انا شفت في حياتى كتير مش هتيجي على اصحابي وكمان انا متصالح جدا مع نفسي والناس بس اي حد في الدنيا بيتعرض للي اتعرضتله واكتر فعادي انا مش زعلان اهم حاجه انى اتعلم وكل واحد خد جزاءه من غير انت*قام مني ولا اي حاجه وانا عليا انى اسامح بس..
_،كانو اغب*يا اوووى ربنا يرحمهم..
$اتفضلي علشان تشوفي شادي
*قلبي تنقبض لقيت نفسي مسكت أيده ايوا مسكت أيده بمجرد ممسكتها حسيت بقوه وامان انا خايفه حاسه انى مش داخله باخويا لا انا داخله لحد تاني مش عارفاه لسه متعرفه عليه في الرساله دي…
لقيته بصلي بنظره طويله وانا كمان..
عمر فضل متنح وباصص لايديها دي هوا في خيال ولا حقيقه ولا هوا فين واي الاحساس الجميل اللي حسه دا هوا فعلا قلبه بيدق ولا هوا مش سامع ولا في اي …
فاق على صرخه منها لما شافت منظر اخوها وهوا مي*ت وكأن غض*ب ربنا على وجهه كان قا*تم مفيش روح حاجه مكتومه شكله زي الاش*باح أو الشي*طان في مخيلتنا نفس الشكل اللي كانت عليه ريهام …
فضلت ادعي ليه والدموع اتكونت في عنيا مكنتش اتخيل في يوم انى اشوف المنظر دا ولا كنت أتخيل انى ممكن اشوف صاحبي كدا …
لقيت شهد منهاره بكا
_مكنتش عوزا اشوفك وانت مي*ت يا اخويا كان نفسي في حضنك كان نفسي في حنيتك كان نفسي تطبطب عليا وتاخدني معاك كان نفسي احس انى عندى اخ الله يرحمك ويسامحك …
وخرجت بسرعه..
وانا خرجت وراها
_ممكن تهدى يا شهد مش كدا
_عوزا اروح..
حسيت فعلا انها تعبانه فهزيت راسي وخدتها وروحنا…
طلعت معاها علشان اتطمن عليها…
$ها يبني عملتوا اي
_شادي ما*ت يا امى انت*حر
$يا عيني ربنا يسامحه ويغفرله وشهد عامله اي يا ابني
_تعبانه ودخلت شقتها من غير متتكلم
$حقها يا ابني انا هروحلها اواسيها
_ماشي وانا هروح اشوف موضوع ريهام وادف*نها
$ماشي يا ابني ربنا يقدرك على فعل الخير ويرضى عنك دائما
_اللهم امين يارب وباس ايديها ونزل
اتصل بحازم وجاله علشان يكون معاه …
وخدوا ريهام ودفنوها في مدافن اللي خاصه بعمر..
وكل واحد روح …
حازم كان في طريقه ووقف العربيه ونزل عالكورنيش..
بعد طبعا ما عرف اللي حصل لشادي زعل للي وصلو ليه هم كانو أصحاب جدا بس الزمن غد*ر بيهم ووقعهم في بعض…
وهوا واقف شاف بنت واقفه قصاد اتنين رجاله وبتتكلم بصوت عالى زي مبيقولوا بتشر”شحلهم
حازم الفضول خده ناحيتهم..
وقال:في اي يا انسه
واحد من اللى واقفين:وانت مالك يا اخ متخليك في حالك
_لا يا زميلي انا بس شوفتها وهى بتزعقلكم فقولت في حاجه هم تبعك
_اه تبعي عندك مانع
_لا تمام خلاص أن شاء الله يو*لعوا فيكي..
حازم التفت ما القاش العربيه بتاعته.!؟
حرا*ميه
حازم وقف مذهول من اللى حصل …
اي دا هوا خيرا تعمل شرا تلقى والتفت علشان يشوف البنت دي ملقهاش ولا لقى حد مش عارف يعمل اي …
طلع على المركز يقدم شكوي بس هوا معقول هيلاقى عربيته تاني!؟
واتصل بعمر وحكاله علشان هوا اصلا ميعرفش غيره …
_،عمر الحقنى عربيتي اتسرقت
_ازاي وانت كنت فين
وحازم حكاله اللي حصل..
وعمر فضل يضحك
_انت بتضحك لي
