_انتى واحده مش قد المسئوليه ام مستهتره ولا بتعرفي تتعاملى مع اطفالك ولا بتعملى حاجه في البيت
…
عمر دخل ومعاه شهد وكان حريص جدا عليها..
_لو سمحت عاوز اقابل المعاون
_مش موجود يا بيه
_لي
_في مس*جون انت*حر امبارح والدنيا مقلوبه…
شهد خافت وقلبها وجعها هوا اي دا في مس*جون انت*حر…!؟
_طيب عاوز اقابل الظابط
_ثوانى…
العسكري غاب شويه بعد طبعا لما خد إثبات الشخصية بتاعت عمر والظابط عرفه..
عمر دخل ومعاه شهد
_سلام عليكم يا فندم انا عمر حرب كنت عاوز تصريح لزياره صاحبي هنا
_ايوا حضرتك انا عارفك
_ممكن اسم المس*جون
_شادي حجازي
_نعم المس*جون دا انت*حر امبارح والدنيا مقلوبه لانه كان جاي في قض*يه كبيره جدا والمعاون والمأمور والمحافظة كلها هناك في المستشفي العسكري
شهد صعقت من اللي سمعته كأن جبل وقع عليها من الصدم#مه اخوها..لا مش اخوها طبعا دول بيهزروا يا عم لا اخوها مين اللي انت*حر ازاي انت*حر ولي وهى لسه مشافتهوش لسه مبررلهاش دخوله هنا مخدهاش في حضنه وطبطب عليها كان نفسها تترمي في حضنه …
عمر يصلها وهوا حاسس بيها واللي هي حساه هوا نفسه مش مستوعب اللي حصل ولا مستوعب اللي شادي عمله لى عمل كدا لي شادي دمر نفسه وحطم كل أمال أخته…
_شهد
فاقت من سرحانها على صوته وهوا بيقولها
_هتقدري تروحي..
_انت هتبقى معايا!؟
_اه طبعا
حست براحه انو هيكون معاها برغم أن هي مش طايقاه ولا بتحبه برغم انها فعلا حاسه ان ملهاش غيره بعد كل اللي مرت بيه واللى اخوها عمله….
خدها ووصلت معاه المستشفى
عمر مش متخيل أن ريهام وعمر ما*تو في يوم واحد حس أن ربنا عاوز يعا*قبهم سوا لأنهم كانو سوا في كل حاجه يا ترى الاتنين هيتقابلوا ويتعا*قبوا سوا…
عمر دخل وسأل على شادي ووصل الأوضه اللي هوا فيها وعليها حراس كتير وفي ناس كتير حواليها..
شاف المعاون اللي هوا يعرفه وقرب منو
_عمر عامل اي انت جاى علشان شادي صح أنت عرفت ازاي
_كنت جاى أزوره والظابط بلغني
فجيت هوا ازاي دا حصل ازاي
_للاسف المو”ت كان اسرع منه فارق الحياه في ثوانى محدش عرف يلحقه بس لما فتشنا في هدومه لقينا الورقه دي. واعتراف منو انو هوا اللي انت*حر
وفيها رساله ليك…
شهد بدموع:هوا انا ممكن اشوفه ممكن
بص لعمر وقال
:مينفعش دي إجراءات امنيه
عمر:دي أخته يا باشا لو سمحت خليها تشوفه اخر مرة
_طيب هحاول واجيلكوا
عمر كان ماسك الورقه وفضول شهد خلاها تشدعا منو وتقراها..
بصت في الورقه وقرأت الرساله وهى بتبكي معقول اخوها كدا معقول اخوها عمل كل دا بقت بتبص الورقه وتعيط وتبص لعمر تاني …
*معقول انا ظالماك يا عمر معقول اخويا عمل كل دا وانت*حر كمان يعني عاش بالقذ*اره دي وما*ت ك*افر كمان..
بدأت تعيط بانهيار عمر خد الورقه وعرف سبب بكاءها
_ادعيله بأن ربنا يغفر له ويسامحه على كل حاجه عملها
_هوا انت مسامحه يا عمر
_اكيد مسامحه دا اخويا قبل ميكون صحبي وانا عارف أن شادي لو رجع بيه الزمن مش هيعمل كدا لانه عرف العواقب بس ربنا اولى بيه واحنا علينا ندعيله
_هي ريهام دي مراتك صح
