رواية ضرتي المجنونة

نظر فادي اليه بغضب شديد ثم لكمه مره اخري فسحبت عنود فادي معها الي الداخل وتحدثت مردفه: سيبه هو ميستاهلش 

فادي بصراخ: اهه مشي انا كنت عايز اتصرف معاه 

عنود بحزن: خلاص بكره ابجي روحله لو يوسف شاف او سمع حاجه مش هيسكت 

فادي بغضب: انتي مااالك وماااله اصلا اي علاقتك بيه 

عنود بدموع: انا غلطانه 

فادي بحده: ادخلي علي اوضتك وبكره لينا حساب تاني 

دخلت عنود الي غرفتها وهي تشعر بالخوف والحزن الشديد اما عند يوسف فكان يحتضن ورده وهي تتحدث: انا بحاول اطلعك من الزعل ال انت فيه دا وانت برده لسه زعلان 

يوسف بتفكير: معلش يا حبيبتي انا بس بفكر وهعمل اي نامي انتي وانا شويه وهنام 

عند فادي ذهب في نوم عميق من شده التعب والحزن فدخلت سلمي بحذر وبدون ان يراها احد وكان معها زجاجه صغيره فألقت محتواها علي الارض ووضعت عليها بعض قطرات المياه فأخرج السائل دخان شديد ساام وخرجت هي بسرعه واغلقت الباب بالمفتاح فشعر فادي ونهض وانصدم عندما وجد الغرفه تمتلئ بالدخان فحاول ان يفتح الباب وهو يشعر بالتعب الشديد وصرخ حتي يسمعه احد ولكن فجأه وقع علي الارض فاقدا وعيه وووو 
شعر يوسف بصوت علي الحائط المشترك بينه وبين غرفه سلمي فنهض بهدوء وخرج من الغرفه واثناء مروره وجد دخان يخرج من غرفه فادي فحاول ان يفتحه ولكن لم يجد المفتاح فصرخ علي الحراس والجميع استيقظ وحاولوا فنح الباب حتي نجخوا وانصد يوسف عندما وجد فادي علي الارض فاقدا وعيه[

 والرائحه تنشر بسرعه فغطي انفه وكتم هذا الشي الذي يخرج منه الدخان وفتح جميع النوافذ وحملوه وذهبوا بسرعه الى المستشفى وبعد فحصه خرج الطبيب وتحدث  يوسف بلهفه مردفا: اي ال حوصل يا حكيم فادي كويس

الطبيب بضيق:  انا لازم ابلغ الشرطي يا يوسف الدخان دا ممنوع اصلا فادي حاليا في العنايه المركزه حالته مستقره ودي معجزه احمدوا ربنا بس لازم نشوف ازاي دخان زي دا يكون موجود 

نصر:  انا هعرف يا حكيم مين ال عمل اكده في ابن اختي بس بلاش شرطي انت عارف اسمي في البلد ومش عايز كلام كتير علي عيلتي 

الطبيب:  حاضر يا حج نصر علذان خاطرك انا هخالف القوانين بس شوف مين ال عايز يأذي عيلتك... والف سلامه عليه 

القي الطبيب كلماته فتحدثت ابتسام بدموع مردفه:  مين ال ممكن يكون عايز يجتل ابني.. مين ال عمل اكده 

يوسف بتفكير:  هنلاجيه يعني هو هيختفي فين 

اما في البيت عند عنود كانت تبكي بشده فتحدثت ورده قائله:  اهدي عنود انا اتصلت به يوسف عليه ان هو كويس الحمد لله وهنعرف مين ال عمل اكده

عنود ببكاء: ياسين هو ال عمل اكده انا متأكده هو ال حاول يجتل فادي علشان خاطر فادي اتخانق معاه امبارح

نظرت ورده اليها باستغراب ثم تحدثت قائله: اتخانق معاه ازاي يعني وفين وبعدين هما دلوجتي بيدوروا علي ياسين انا مش فاهمه حاجه هو انتي مخبيه حاجه يا عنود 

عنود ببكاء: ورده انا كنت بكلم ياسين وكنت معجبه بيه وهو بيحبني وكان هيجي يتقدملي ويطلب ايدي من يوسف بس بعد ال حوصل خلاص مش عايزه اعرفه تاني وامبارح شوفته وفادي ضربه 

ورده بحده:  لو يوسف عرف هتبجي مصيبه دا دلوجتي ابو الطفل ال في بطن سلمي اصلا انا مش فاهمه اي ال المفروض يحصل 

عنود بدموع:  مش عارفه بس انا شاكه في سلمي... هو اي ال حامل ومكتوب كتابنا وكلام فاضي البنت دي مش طبيعيه