رواية تغيرت به بقلم الكاتبة رنا ماهر
دكتور سيف بيتفرج على مسلسل تركي !!
– الللله مين يصدق ان وراء الراجل اللي مخوف الجميع جانب منه بيحب التركي الله كمان بيتفرج على مسلسل السجين
قعدت على ترابيزة معاه وكان مش حاسس بحاجة ومنسجم مع المسلسل اوي ف قولتله
– يا دكتور سيف
سمع صوتي بصلي بتفاجىء قفل تليفونه بسرعة وخباه وقام من كرسيه وقال بتوتر
= مروحتيش ليه ؟ الامتحان خلص ليه لسه قاعدة هنا ؟
– مفيش كنت بشتري مولتو اكله في الطريق لان باخد وقت في المواصلات
= اها
– مالك متوتر ليه يا دكتور ؟
= متوتر انا متوتر ؟ لالا مش متوتر ولا حاجة بس الجامعة فضيت كله مشي ف استغربت انك لسه قاعدة
= مسلسل تركي ايه ؟
– اللي حضرتك بتتفرج عليه دلوقتي خبيت التليفون عشان معرفش خايف اقول للدفعة انك بتابع تركي صح ؟
= ما انتي لو قولتي كده هيبتي هتضيع بين الطلبة
– ليه يعني ؟ هو غلط تتفرج على حاجة بتحبها يعني عادي انت حر اعمل اللي يريح حضرتك
– اه
= اصل لما اقول لصحابي اني بحب مسلسلات التركي المافيا بيضحكوا عليا
– سهلة سقطهم في الامتحان
= لو كانوا طلبة عندي كنت هسقطهم فعلا
– هقولك حاجة يعني انت لو بتحب حاجة معينة وشايف غيرك لما يعرف هيتريق على حضرتك ميهمكش عادي فكك كل واحد وله حاجات معينة بيحبها ف اتفرج عادي على مسلسلك المفضل بكل راحة.. المهم دلوقتي يا دكتور هي الحلقة الجديدة نزلت من المسلسل ؟
= اها نزلت انا بتفرج عليها دلوقتي
– عايزة اتفرج عليها عشان باقة النت بتاعتنا خلصت واكيد حضرتك عندك نت كتير
= لا لا لا انتي بقا تروحي بيتك وتنامي شوية عشان شكلك نسيتي انك اخدتي الاجازة روحي نامي براحتك بقى
= بالظبط
– ماشي همشي. يارب تليفون حضرتك يفصل في نص الحلقة
= بتقولي حاجة ؟
– لا بقول لحضرتك مشاهدة ممتعة
=اه اه انتي هتروحي لوحك ؟
