وعد بقلم مارينا يوسف
انت في الصفحة 1 من 3 صفحات
دخليلي الي هتعمل الانترفيو
حاضر يفندم حالا
انسه وعد يلا ادخلي
تمام عن اذنك
دخلت المكتب ب ضهري قفلت الباب وفضلت وقفه دقيقه صمت
ي يارب انا عبيطه والله اقف معايا
ايه ياانسه الباب عجبك لدرجه
هه حضرتك ازيك
حضرتك ازيك مش كانت ازي حضرتك
اي ده متعرفش أنهم غيروها
ياشيخه
طبعا اومال
اتفضلي ياانسه وهاتي السيفي بتاعك
هوا في هما كاتبين كلام قليل الادب ف السيفي بتاعي وله ايه!!
ضحك وقلي لا ابدا بس هيئتك متقولش انك بتفهمي ف كل ده
اه مهو تحت الحساوي دهاوي
تحت ايه ياختي
تحت القهاوي قواهي
انتي متوتره وله عبيطه ب الفطره
ونبي يخويا معرف بس ماما بتقول عليا عبيطه إنما بابا بياكد كلامها اختي بقا واثقه فيا دايما واخويا بقا
هه سوري معلش
طب انا كده مقبوله وله مرفوضه
السيفي بتاعك مبهر بس شخصيتك اعبط من كده!!
لالا انا ف الشغل جد الجد شغلني وقسما بالله هبهرك
مش مرتاحلك بس هكسب فيكي ثواب
الله يخليك يارب يعلي من مراتك ويبقو ٣ مرات وتنام مرتاح ويارب تروح البيت تلاقي مامتك عملالك فراخ محمره ويارب تلاقي
شكرا يافندم شكرا باي باي
وقفت سلمت علي وجيت عند الباب ف ندهلي
انسه وعد اشمعنا فراخ محمره
اصلي بحبها اوي انت مش متخيل بتبقي حلوه مع الرز والملوخيه ازاي
رز وملوخيه
اه سوري شكلك من ايجبت قصدي مع رايز وجرين سوب
لحظه صمت ولقيته اڼفجر من الضحك وقلي امشي عشان ميرجعش ف كلامو
وده مين الموكوس ابن الموكووووسه الي هيشغلك
ياست سوسو انتي مستقليه بيا بس انا جوهره
جوهره الرقاصه
دانتي ست طموحه جدا نفسك بنتك تبقا رقاصه
ياريت تبقا ليكي فايده يااخره صبري تعالي هنا تعالي
جريت عليها وباست خدي ميغركوش انها مش طيقاني بس نبع الحنان بټموت فيا
عملالنا غدا ايه يست الكل
وراز وجرين سوب
ج ايه يختي
سوري يماما سوري افتكرت حاجه كده هغير واجي
دخلت غيرت وغسلت وشي ولمېت شعري وفتكرت ضحكه المدير العسل بلزمه مينفعش يحصل مشكله ويطردني ويرجعني ويحبني ويتجوزني زي الناس التركيين دول وله انا حظي زي قعر الحله المصديه وله ايه
اليوم خلص وصحيت لبست بنطلون اسود وتيشرت ابيض وبليزر اسود ع الكوتش وسيبت شعري وايه الحلاه والطعامه والسكر ده يبت يوعد تغزلت ب نفسي شويه ونزلت عشان اركب توكتك يوصلني فككو من البرستيج الموصلات مولعه
مساء الانوار علي اروش مساعده مدير
بقولك ايه انا حبيتك احنا هنبقا صحاب خلصانه
كده كده بقينا صحاب من بدري نفسي ف حد مرووش زيي
ف الاستراحه هجيلك نولع ف الشركه سوا
متفقين يابرنس
وقفنا نهزر شويه ولقينا حد بيزعق وبيقولي ادخل لمستر ونس بسرعه
احيه انا خاېفه ياشمس
خدي نفس عميق وادخلي هوا يوم اسود كنتي طيبه اوي ياوعد
متقطعيش الجوابات بقا متنسنيش ونبيي
دخلت وخبط وكان صوته عالي بطريقه رعبتني
صباح الفل ياعمنا قصدي يامستر ونس
متاخره ربع ساعه ليه
اصل عمو بتاع التوكتك قصدي بتاع التكسي اغم علي ف نص الطريق ووقفت افوقو وبنت عمتي كانت بتولد وامي مبتخلفش واتبستط بيها اوي
نزلت متأخر من بيتنا
سؤال واحد بس يعني ايه امي مبتخلفش واتبستط بيها
مهي امي عقيمه بعيد عنك
ف ثانيه لقيتو وبيضحك سرحت ف ضحكتو اي الحلاوه دي يجدعان!!
انا عارف اني قمور بس مش لدرجه
لا لدرجه قصدي عندنا شغل ايه بقا
ابدا هننزل نسقي الزرع سوا
حضرتك ظريف جدا
نعم
قصدي خفيف
نعم يختي
يووه هنهبب ايه ف الشغل
ياصبر ايوب انا جبتو لنفسي اترزعي عشان
اشرحلك
بخ
