المبدعه الست نور
المستثمر وتتفق معاه وتقوله إنه يروح لأخويا ويقوله إنه حابب يستثمر معاه ويدخل شريك وإياكم يعرف إنه من طرفي.
من عادتي بعمل ودن من طين وودن من عجين والدنيا تبقى حواليا ټضرب تقلب مليش علاقة ولا أسأل ليه واشمعنا ولا ادخل نفسي في مواضيع مليش فيها لذلك مكالمته كانت شفافة بالنسبالي.
جبتيلي قهوة معاك ده كتير عليا ده.
لا يستي أنا ومعدتي هنتفاهم مع بعض دي قهوة بوش تشهي.
لا والله ما يحصل متحاولش.
هشرب بق بس.
ولا حتى شفطة.
طب مهو شكلها قدامي هيخليني أضعف.
بس كده
قومت عند الحمام
اللي في المكتب كبيت الاتنين قهوة في الحوض ورجعت له بكل برود
طب وكده
أي ذنب قهوتك يعني قهوتي وعرفناها لكن قهوتك أي ډخلها
مش عارف أقولك أي والله ...
تسمع اللي حليت عليه تمارين يا شاطر وتوريني إذا كنت فهمت ولا لأ.
خلي بالك أنت بتتحدي الشخص الغلط.
أموت أنا في التحديات.
ضحك وأنا ضحكت ولكن كملنا شرح وحل كتير وبدأت أخليه يمارس معايا مهارة نطق مخارج الحروف بشكل صحيح ومهارة الاستماع فتلقائي أيده تكتب اللي يسمعه وكنا أنجزنا جزء كبير في نور البيان.
تعرفي كان عندي سبب يوم ما جيت وطلبت منك تعلميني لكن دلوقتي حاسس إن السبب اتغير شوية مش عارف بس حابب أسلوب كلامك فيه غنة كده وبيدل على ثقافة وعلم فحابب ده يظهر عليا أنا كمان في تعاملاتي الجاية في الشغل وعلاقاتي مع ناس كبيرة ومتعلمة.
أنت نتاج ما تدخل إلى صدرك فأحسن حصيلتك اللغوية يحسن ما يخرج من فيك.
الله مزجتني وأنا من أيدك دي لأيدك دي.
إذا لا أجد أبلغ من أشعار العرب ده بعد القرآن الكريم طبعا لذلك جبتلك نوت بوك مكتوب عليها ضي دي هتكون مخصصة لإملاء الأشعار فقط اتفضل.
دي ليا
أها طلبت من بنوتة تصممهالك مخصوص هتلاقي اسمك عليها كتوقيع في نهاية كل صفحة.
بالفعل دورت فيها لقيت اسم أسامة معمول بحرفية ولا أجدعها خطاط.
مش عارف أقولك أي بس النوت بوك دي مش هتفارقني.
أتمنى نبدأ
جاهز جدا.
هنبدأ بحاجة
