روايه للكاتبه دنيا صابر

في واحدة تانيه في حياتي.
_بتحبني! فتكرهني في العيشه معاك وتخليني أمشي! هتسيني أمشي يا يونس 
سالتك وأنا مړعوبه أنك مفكر أن بعد ما شوفت الورق دا همشي وأسيبك.. هه تبقي متعرفنيش لسه يا يونس.
_أه هسيبك تمشي يا حور
_بس أنا مش همشي
_هتمشي يا حور وهنطلق أنا مش أناني من حقك تكوني أم ومش ذنبك أنك تتحرمي من الأمومه عشان رابطك جمبي.
_ولا ذنبك أنت كمان يا يونس دا قدر ربنا.
_لاا انت....
_مستحيل أبعد الي جوايا ليك أعمق من كدا صدقني راضيه بقضاء ربنا وعارفه أن ربنا مبيديش للبني أدم حاجه وحشه أبدا مش هبعد وهنكمل سوا لو أنتبدلت الأدوار هتعمل أي
_عارف دايما أنك بنت أصول يا حور.
أبتسمتلك وأنا قلبي بيتقطع من جوا الخبر مش سهل والفكرة تزعل ڠصب عني بحبه وكنت بتمني ربنا يكمل حبنا وينبت بطفل بس أكيد ربنا ليه حكمه في كدا يارب أنا مش معترضه على قضائك.. 
_طب أي مش نتعشى بقا دا أنا عامله حتت عشوه أنما أي أورجنال.
_أنا مبخافش الأ من ثقتك الزيادة في طبيخك دي.
_يونس أنكر كدا أني أحين واحدة تعمل مكرونه بالريد صوص
_هي المكرونه محتاجه فزلكه يعني ياحور!
_طب أنكر كدا أني أحسن واحدة تعمل أم على في الجمهوريه كلها.
رفعتلي حاجبك وأنت بتقعد على الجنبه قدوم التلفزيون
_هي أم على بتيجي في العلبه جاهزة يا حور وأنت بتحطي عليه لبن وتسخنيها وخلاص.
_يووه طب أنكر كدا أن ال...
_هشش خلاص بتعملي كل الاكل حلو أنت أشطر من الشيف الشربيني نفسه.
_لا لا كدا وسعت منك على الأخر يا يونس.
_أعملك أي طيب.
_متعملش أبتسم وبس.
_هتجيبلي مذكراتك وتكتبي فيها الوقتي ولا بعدين
_ليه هتقعد جمبي زي زمان
_اه من زمان مشوفتكيش وأنت بتكتبي.
_هجيبها حالا.
_طب والعشاء يا حووور
ضحكت وأنا بفتح باب الأوضه وبجيب كشكول مذكراتي وبقعد جمبك وأنا بفتح الصفحه الى عليها الدور.
_هتكتبي أي.
أتنهدت وأنا بفتكر أحداث اليوم من أوله وببص ليونس أنا عارفه أنه مقلق من الي هكتبه بعد ما عرفت الخبر بس متقلقش يا يونس أنت واخد بنت أصول وبنت الأصول بتبان في وقت الشدة.
بدات أكتب وأنا حسه بيه بيتابع الي بكتبه
الحياة مشاركة أيدين بيسندوا بعض٫يقوا بعض ويطبطبوا على بعض وقت الزعل مش كل الوقت بيبقي حلو زي ما كل الوقت مش بيبقي وحش... الحياة كدا وكدا حبه حلوه وحبه تخلي الواحد نفسه يخلص من الدنيا والي فيها لو حصل وأتجوزتي وحسيتي أن الطرف الأخر بدا يبعد ويتجاهل قربي منه وحاولي تفهمي ماله بدون تنشانه أسأة الظن رقم واحد في قواعد نجاح الحياة الزوجيه تبعدي عنها عشان مش بتعمر بيوت.. خليكي دايما فاكرة أن ممنوع نسيء الظن في شريكنا ونصنا التاني..
بعد أو أسلوبه أتغير بدل ما نقول شافله شوفه تانيه نفتكر أنه مفحوت في الشغل
ممكن يكون ضغط
 شغل.
بنت الأصول بتبان في الشدة أي كان نوعها.. مرض أو ضيقه فلوس أو حتى كلمه طيبه وقت زعل تطبطب على القلب.
الأنسان طاقه في الي يستحمل وفي الي لا ومش معني أنك مقدرتيش تستحملي أنك كدا مش بنت أصول بس دا بيختلف على حسب المشكله والموقف الي هتقرري تنسحبي فيه.
قفلت الدفتر وبصتلك وأنا مبتسمه على أبتسامتك الي منورة وشك لو كنت ريحت نفسك وقلتلي من الأول كنت شوفت ابتسامتك دي من بدري مش فاهمه ليه كنت ضاغط على روحك أوي كدا.. يلا مش مهم.
_حور أنت أطيب وأرق وأحلا بنت شافتها عيني.
_يونس أنا جعانه..
ضحكت وأنا بشوف وشك كشړ فجأه وبتحدفني بالمخده دعيت جوايا ربنا ما يغير علينا حال. 
_خلاص بحبك طيب.
دنيا_صابر