رواية كاملة بقلم أماني عنان
انت في الصفحة 1 من 6 صفحات
دخل كريم جوز هدي من شغله الساعة 4 مساءا ومالقاش الاكل جاهز فكلمها بطريقة السيد لعبده
انتي ي هانم ياللي ف البيت
نعم أنا في المطبخ ي كريم
لسه ماعملتيش الاكل وعماله تدلعي
معلش اصلي صحيت متأخر
وانا مالي يعني انتي تسهري وترجعي تقصري في بيتك وجوزك
طب هو انا كنت سهرانه اتسلي مش ابنك اللي بيعيط ومانيمنيش
وايه الجديد مالبيت كله مشكلتي
انتي لسه هترغي طب خلي اكلك ابقي اطفحيه انتي وبنتك انا رايح اكل بره
خرج كريم بغضبه وانفعاله واول ماصاحبه رن عليه اتحول
الو
ايوا ي ابو الصحاب فينك
موجود نازل اجيب اكل جعان
حلو اووي تعالي نتغدي سوا وبعدين نسمع الماتش
تمام
هو دا العادي بتاعك ي كريم تشخط وتنطر فيا ومع اصحابك جميل وزوج مثالي مافيش منك
مش دا اللي وعدتني بيه قبل الجواز ولا دي الحياة اللي وقفت قدام اهلي عشانها خلصت الاكل ورنيت عليه تاني
انا خلصت الغدا
كلي انتي انا كلت بر
سمعت صوت الشباب علي القهوة جووون الله عليك ي زمالك ايوا فرحنا
مع اصحابي بس شويه
كل يوم مع اصحابك
انتي هتفتحي اسطوانة النكد تاني ابو اليوم اللي اتجوزتك فيه ي شيخة
صح انا اللي نكد أنا اللي بتلكك عشان اخرج مع اصحابي واتفسح ولما اتخنق شويه بسافر ف اي وقت واسيبك تربي العيال تغير بامبرز وتأكل وتنضف وتحمي وت
سمعت صوت تيييت
قفلت ف وشي هي حصلت لكدا
فضلت اعيط ومش عارفه اعمل ايه ارجع لاهلي اللي اول حاجة هسمعها منهم انتي اللي اختارتي انتي اللي اتمسكتي بيه وهيكون اسهل قراراتهم اطلقي
رجع كريم البيت لقي هدي واقعه علي الأرض وعيونها وارمه ووشها حزين واحمر من العياط قال
يالا سارة عايزا تغير المبامرز مش مستحملة
هدي فعلت سامعه بس مش قادره تقوم للدرجة دي قسي قلبك بدل ماتجري عليا وتقومني تقعد وتمسك ريموت التلفزيون انا لازم اقوم وتساعد نفسي عشان عيالي مر اسبوع علي الفتور اللي مابينا وكل ماكلم ماما اقولها اني تمام
هدي عامله ايه
والاولاد سارة وسالم وحشوني اوووي
وانتي كتير ي تيتا ابقي تعالي شوفيهم
مانتي عارفه ابوكي لسه واخد ع خاطرة من معاملة جوزك اخر مره
معلش ي ماما كريم مايقصدش هو بس كان تعبان شويه
اممم تعبان ولا مانسيش رفضنا ليه عموما احنا مش عايزين منكوا حاجة المهم تكوني بخير
قفلت الخط وانا زعلانه الابواب بتتقفل ف وشي سالت نفسي
ايه اللي بيخلي الناس ټنتحر
ايه اللحظة اللي بتنهي وجعهم وتخلي نفسهم تهون عليهم انا بفكر جديا ف الاڼتحار ودلوقتي بدل مايرجع يقطمني يرجع ياخد ولاده يرميهم ف حضڼ اي ست تانية تعرف تديله اللي فشلت فيه
وقامت هدي علي بلكونة شقتها في الدور الخامس وراحت
الست هان عليها رحها رمت نفسها من الدور الخامس
لا حول ولا قوة الا بالله هدي اڼتحرت
صوت سارة وسالم بينادوا ماما وهي خلاص حكمت عليهم بالفقد الدائم
صوت ابوها وامها مكسور والدموع ڼار بتوجع ف قلبها فكرت هدي كويس ورجعت بعيد عن البلكونة وقالت
ايه هيفرق عند كريم لو مت
لو كنت فرقت معاه وانا عايشه هفرق معاه بعد ماموت هو خلاص قسي وشال قلبه وحط مكانه حجر
وافتكرت اخر مره تعبت فيها بسبب خناقهم مع بعض وكلامه المسمۏم اللي بيبخه ف وشها زي التعبان من غير مايحس ولا يفرق معاه دموعها وقهرتها أماني عنان
في العربية هدي بټعيط ومش قادره تتمالك اعصابها
كريم كفايه لحد كدا احنا اتجوزنا عن حب وعشنا ايام جميلة بلاش نلوثها خلينا نطلق في هدوء ومن غير شوشره انت راجل وكويس وانا ست بنت اصول وخلصنا
طلاق مش هطلق سيبي عيالك وامشي وساعتها اطلقك انما تاخدي عيالي وتحرميني منهم فلا مش هيحصل
دا كل اللي فرق معاك
بص لها بطرف عينه ورجع يكمل سواقه عشان يوديها للكتور بعد الكشف الدكتور قال
دا اجهاد وضغط زايد المدام محتاجة راحة عشان السكر
ايه هي عندها السكر
ايوا انتوا ما تعرفوش
للاسف لا ودا جالك قبل الجواز ولا قبله ي هانم
الدكتور ضحك فاكره بيهزر فقال متمادي معاه
دي عيوب استخدام مش عيوب تصنيع
انا لسه اول مره اعرف ي دكتور
تمام مافيش مشكلة دا مرض عادي وموجود عند شريحة كبيرة من الناس وانا منهم
المهم بيحتاج تنظيم الوجبات واعتدال في كمية الاكل
كتري من الخضار والفاكهه وياريت نبدا بيهم الوجبة
حاضر
خدي العلاج ف وقته وبلاش الزعل وتشيلي الهم ع اتفه الامور
اكد عن النقطةدي كويس ي دكتور
بص
الدكتور لكريم وماردش عليه كمل كلامه للمريضة اللي بنسبة ٨ الراجل اللي قدامه دا السبب ف مرضها
الف سلامه ي مدام
في الطريق واثناء العودة الي المنزل
انا مخنوقه اووووي ومش عارفه اعيش بالحالة دي
حالة ايه انتي ف حد ف عيلتكم عايش مرتاح زيك بيلبس برندات بتاكلي كل يوم احسن اكل بتكشفي ب جنية عايزا ايه تاني
مافكرتش ف الرد قد مافكرت تفتح باب العربية وترمي نفسها منه واول مافتحت الباب سنة قفله بسرعه وقال
انتي مجنونه انتي عايزا توديني ف داهية
ههههههههه انت انت انت وانا مش مهم اموت اعيش اڼتحر اعيط
المهم تبقي تمام اكلك لبسك ضحكك وخروجاتك
أمانيعنان
رجعت بالذاكرة وفكرت ف نفسها لاول مره من ساعة ماتجوزت واول حاجة فكرت فكرت فيها تدور علي حد يسمعها وف نفس الوقت ټنتقم من كريم معاه
للاسف كان تفكير منحدر وهي اول الساقطين به لكنها لم تكن بوعيها فتحت اكونت الفيس وفضلت تدور علي اي شاب يستهويها شكله ملامحه صورة بروفايله
وكان القدر مجهز لها مفاجئة هتغير كل حياتها
بعتت رسالة لاكونت مكتوب بالانجليزي
يوسف السيد
مساء الخير
بعد ساعة رد
مساء النور اهلا بحضرتك
عامل ايه
انتي تعرفيني
لا بس نتعرف ههههههه
انتي بنت والله
ايوا
احلفي
والله بنت
بس الاكونت جديد
طبيعي
ايه الصراحه دي
اصلي ناوية اخون جوزي
ومالاقتيش غيري انا متجوز ومسافر ف شغل مش عايز اظلمها عشان ماتعملش كدا ف غيابي
لا راجل هو انتوا لسه فيكوا حد مخلص اطلع من دول
عايزا مني ايه
والله ماعرفه بس نتكلم نبقي اصحاب
من اكونت غريب لا يمت لك بصلة افرض اتعلقت بيكي تفضل روحي ف ايدك كدا تكلميني بمزاجك وتقفلي بمزاجك
لا مش موافق
تؤ هتوافق
هههههه واثقه من نفسك
لا واثقة ف الشيطان هههههه
صوت مفاتيح كريم ف الباب وهي لسه بتتكلم وماسجلتش خروج
خدت الفون وجريت ع اوضتها وقفلت الباب
استغرب كريم من غيابها وتجاهلها لمجيه فراح فاتح باب الاوضة مره واحده
هدي انا عايز اتجوز تاني
ودا ازاي يعني امال انا ابقي ايه
انتي الاولاني هو الكلام مش واضح !
بتهزر ي كريم صح يالا عشان اجهزلك العشا
الموضوع دا مش للهزار
