قيود الاختيار بقلم آية محمد

لديه إنخفض لعدم تناوله طعامه في وقته وضعت الطعام علي صينيه وصعدت بها للأعلي.
أحمد نعم جايه هنا ليه!
رقية ممكن تاخد الصينيه مني و تخليني أدخل.
أحمد لا مش عاوز أكل.
دلفت رقيه دون إنتظار إذنه و وضعت صينيه الطعام علي الأرض ثم أعتدلت ونظرت له كان لايزال يقف مكانه أمام الباب ينظر لها بضيق .
رقية ممكن تقعد تاكل أنا عارفه أنك أكيد جعان و كمان عشان متتعبش.
أحمد وعلي أي يا رقيه ما كنتي خليكي معاهم تحت و انضمي بقي ليهم و خليكي معاهم عشان أحمد ممل ومريض.
رقية أنا مليش غيرك هنا يا أحمد أنا هنا معاك وبس أنا كنت بس بحاول أكون جزء من عيلتك وأحمد مش ممل هو هيتعب فعلا لو مأكلش دلوقتي.
أخذت من الطعام بالمعلقه وقدمت يدها تجاهه لتطعمه بنفسها ولكنه أدار وجهه و نظر أرضا تركت الطعام وذهبت لتجلس أمامه ولكن وجدت عينيه مليئه بالدموع أمسكت بيده و تحدثت بهدوء.
رقية مالك يا أحمد أنت كويس
أحمد يعني مش هتقولي عليا عيل لو
حكيتلك!!
ويتبع..
أحمد يعني مش هتقولي عليا عيل لو حكيتلك!!
رقية أنت عمرك ما كنت بالنسبالي عيل أنت الراجل اللي أنا مسنوده عليه دلوقتي.
أحمد رقية أنا دايما لوحدي علطول بابا و خالد دايما واخدين صف بعض و بينهم أسرار كمان وأنا لا ولما أنتي ډخلتي حياتي قولت خلاص هي دي اللي هتكون صاحبتي و هتكون حبيبتي كمان بما اني عمري ما أتحبيت أنا عمري ما كنت وحش مع حد مش عارف ليه مكانش ليا أي مكان في حياة الناس اللي عايش معاهم و أهو أنتي كمان بقيتي تروحي معاهم مشاوريهم الممله ومستمتعه بيها كمان.
رقية إنت لازم تبقي عارف أني هنا معرفش غيرك حياتي كلها بقت متعلقه بيك و إنت صاحب كويس و اللي حواليك هما اللي معرفوش يكسبوك.
أحمد طب و بالنسبه لحبيب اي مش جاية معاكي دي!!.
كل يا أحمد عشان الأكل هيبرد.
أحمد حاضر أنا أسف أني أتعصبت عليكي.
رقية لا لا مش بالسهولة دي هتاخدني وننزل نتمشي.
أحمد دا إحنا عنينا يا باشا.
جلست رقية تشاهده و هو يتناول طعامه بهدوء إكتشفت جزءا جديدا في شخصيته ربما أخبرها من قبل بأنه شخصية عصبيه ولكنها رأت اليوم بعضا منها و لكنها إستطاعت التعامل معها هذه المره هو كالطفل يحتاج معامله هادئه لأن الڠضب سيزيده عندا. 
هو أيضا يشعر بالوحدة و لا يريد أي شخص يريد شخصا يكون معه هو فقط بشكل مميز شخص في منطقة الأمان الخاصه به.
كما وعدها خرج الإثنين للتمشيه سويا كانت الحادية عشر في منتصف الليل جنبا إلي جنب يتحدثان سويا في العديد من الأمور ثم عادا للمنزل..
رقيه أحمد.
أحمد نعم!!
رقية أنت ممكن تيجي تنام هنا هنا في الجمب دا عشان يعني رقبتك ۏجعتك ب بتبصلي ليه كدا بقولك اي أنت تيجي هنا .
ألقي بمخدته بجوارها و ألقي بنفسه بعدها متمددا علي ظهره و هي تجلس علي الطرف الأخر من الفراش أغمض عينيه مبتسما.
نظرت له رقية بريب هل أخطأ فهمها الآن!! هي لا تريد التقرب منه شعرت فقط بالذنب لأنها تجعله ينام علي الأرض بينما هي مستوليه تماما علي فراشه حركت أصابعها في رأسه فوجدته يبتسم أكثر و بعض دقائق ذهب في نوم عميق.
في الصباح التالي فتحت عينيها عندما عجزت عن الحركه سحبت يدها بهدوء ثم أخذت حجابها و غادرت الغرفه لتبدأ يوما جديد.
كانت رقية جالسه تنظر للفراغ بحيرة و تفكر في شئ ما نظر لها ثم ذهب وجلس بجوارها.
أحمد في إي
رقية مش عارفه أعمل أكل أي لهاجر وأهلها بجد محتارة.
أحمد متعمليش حاجه هنجيب أكل من بره.
رقية من برا ليه أكلي وحش
أحمد هو في زي أكلك يا جميل يا قمر انت.
فتحت عينيها پصدمه و أنشغلت بتطبيق الثياب 
أحمد هو إنتي كدا كدا مش هتحتاجي تطبخي عشان أنا عندي ليكي خبر.
رقية بتوتر إيه
أحمد هنزور البلد بكرا.
رقية بسعادة بجد بابا واحشني اوي بس أكيد زعلان مني عشان مشيت بالطريقه دي هو لما بيكلمني مبيجبليش سيرة بس حاسه أنه مستني يقابلني.
أحمد أنا كنت قايله مكنتش عاوزه يبقي قلقان عليكي.
رقية بجد يعني مش هيبقي زعلان مني!
أحمد لا مش هيبقي زعلان إي دا كتاب إيه
رقية دي رواية بتتكلم عن والي لمصر كان عنده جواري كتيرة و هو وقع في حب جاريه منهم.
أحمد وإي المميز فيها!!
رقية قصة الحب اللي بينهم جميلة بس في نفس الوقت بتضايقني.
أحمد ليه
رقية عشان هي شخصيه مرحه و مثقفه و عندها رأي و بتصمم عليه علي عكسي أنا شخصيه هاديه و للأسف مبقدرش أصمم علي رأيي.
أحمد كون كل شخص ليه شخصيه يا رقيه مش معناه أن في حد حلو وحد وحش يمكن الملك دا ولا الوالي كان كره فيها الجزء دا من شخصيتها.
رقية الشخصيه المرحه بتنعشق يا أحمد علي عكسي..
أحمد وأنتي محتاجه للعشق
رقية دا تأثر بالرواية بس أنا مبقيتش عاوزة حاجة قد أني أعيش في سلام.
أحمد إنتي قارنتي اللي حصل في الرواية بحياتنا إحنا مختلفين عنهم ممكن نحب بعض بشكل تاني أو بطريقه تانيه ممكن هما لو أشخاص واقعين يشوفوها أجمل من قصتهم الحب بيجي لكل شخص بطريقه معينه بيحس بيه بشكل معين بس هو في الأخر حب مهما إختلفت طرق الشعور بيه او التعبير عنه يعني مثلا نومي كدا علي رجلك
حب ليكي وراحه كبيره بحسها معاكي بس.
رقيه أتحب
أحمد طبعا ولو أنا قولتلك أني مأعجبتش بيكي وبشخصيتك أبقي كداب ولو قولتلك بردو أني جامد و قادر أسيطر علي مشاعري أبقث كداب أو أني مكنتش هبقي غبي معاكي في كذا موقف كدا لما بتبقي زي القمر أبقي بردو كداب
محدش غيري ليه حق يقولك الكلام دا محدش غيري ليه حق يحبك. 
محدش غيري مسموح يكون ليه رأي فيكي وإن كان عليا ف أنا اللي لازم أسأل بنت زيك بكل صفاتك ترضي تحبني! 
أنا اللي المفروض أبقي قلقان ومش واثق. 
مكذبوش لما قالوا عين الحبيب وطن وأنتي عينيكي وطن بالنسبالي يا رقيه.
كانت تنظر له بثبات برغم ما بداخلها من إضطرابات و حاولت التحرر من نظرته الثابته عليها والتي قطعها ثم تحرك للخارج مغادا للغرفه. 
تركت الثياب و ظلت تفكر به حتي ذهبت في نوم عميق.
في الصباح التالي استيقظت علي صوته يفتح حقيبه صغيرة و يضع بها بعض ثيابه ف جلست و نظرت له نصف نائمة.
أحمد هنفطر في الطريق قومي بس حطي حاجتك إحنا هنقعد يومين إعملي حسابك.
رقية شكرا يا أحمد.
أحمد أيوا أشكريني لأن المشوار دا هيكلفني يوم عند جدي كله عقاپ علي اللي عملته في حياتي كله.
رقية بضحك ليه بص دا طيب خالص.
أحمد طيب!! دا هو الشخص السئ في روايتي و في رواية أهل البلد كلهم.
رقية بضحك والله علاقتك بجدك دي مسخره بجد.
أحمد قومي يلا عشان منتأخرش.
رقية طيب حاضر..
بعد نصف ساعه كان الإثنان بالسيارة و بدأ رحلتهم لقريتها و التي أستغرقت منهم ثلاث ساعات تحدثا خلالها كثيرا ف الإثنان يملاكان من الأحاديث ما