من حقي اكون اب منقوله

علي ڠضبة
عبد الله .... قولي يا حسين ان اللي بنتي حاكتة محصلش قولي ان ابنك اللي بعتبرة ابني اللي مخلفتوش معملش كدة وانا هكدبها واصدقك 
حسين بحزن ... والله انا ما عارف اقول اية الواد من وقت ما نزل الزفت الشغل دا وشاف البت دي وهو متغير و كان مصمم يفسخ الخطوبة بس انا وامة مرضناش وعمالين معاه مشاكل وشبة مقطعينة وهو مفيش فايدة اللي في راسة في راسة يا عبد الله حقك عليا يا اخويا انا محقوقلك والله ياعبدة
عبد الله .... كمان يعني انتم اللي كنتم غصبينة يكمل مع بنتي لية هي بنتي قليلة ولا اية يا حسين اسمع انا مش عايز حد يدخل بيتي و شبتكم هبعتهلك مع اى مرسال وانسي انك ليك اخ تماما فاهم سلام يا حسين
بابا قفل و دخل اوضتة ورزع الباب وراة
وانا بقيت واقفة مزهولة من اللي حصل
منال والدة نرمين ... عمري ما ارتحتلة و ديما كنت شايفة ان دي خطوة مش صح يلا قدر الله وماشاء فعل وبكرة ربنا يعوضك خير يا حبيبتي 
نرمين پبكاء ... بسهولة كدة بعد السنين دي كلها بسهولة كدة خلاص وازاي قدر يعمل فيا كدة ازاي قالي بحبك وهو قدر يحب غيري ولا هو محبنيش من الاساس يا ماما هو انا وحشة متحبش طيب 
وفعلا بابا بعتلهم الشبكة عمي حسين مكنش عايز اسلام يخدها لكنو خدها وقالة دا شقايا وتعبي و بعدها بشهر بالظبط خطب منة اللي شوفتها معاة وانا اول عريس اتقدملي بابا اجبرني اوافق عليه رغم انة كان اكبر
مني ب تسع سنين ولما اعترضت قالي اقعدي معاة الاول وبعدين نتكلم و وافقت اقعد معاه وانا مقررة اني هرفضة انا لسة مفقوتش من صدمتي ف اسلام لسة حبة في قلبي للاسف وجة العريس
نرمين ... السلام عليكم
احمد .. وعليكم السلام ازيك يا نرمين 
نرمين ... الحمد لله
احمد ... تحبي تساليني في حاجة معينة ولا اكلمك انا عن نفسي 
نرمين ... لا اتفضل اتكلم انت انا مش بعرف اسال
احمد ... انا ياستي دكتور احمد هاشم دكتور امړاض باطنة عندي اخ اصغر مني اسمة عمرو مچنون بالعربيات و والدي و الدتي متوفين من زمان واللي ربتنا عمتي ربنا يخليهالنا يارب ولو
لينا نصيب ف بعض هنتجوز في الفيلا بتاعتي هيبقالنا دور لوحدنا و عمرو وعمتي ف دور منفصل لان بصراحة انا مقدرش ابعد عنهم في حاجة تحبي تقولها او تعلقي عليها 
نرمين ... لا 
احمد ... طيب انا هنتظر ردك مع عمي عبد الله 
وقبل ما يقوم سالتة باستغراب ... هو هو حضرتك مش هتسالني ف اى حاجة 
احمد ببتسامة ... لا كل اللي يهمني حاليا اعرفة عرفتة قبل ما نقعد القعدة دي عن ازنك
ومشي وحاولت افهم بابا اني مش جاهزة و كان يدوب هيقتنع لحد ما سمع بالصدفة من قرايبنا ان اسلام فرحة بعد شهرين وقتها بابا حسم الموضوع وفضل يضغط عليا ويقولي انة عايز يخلص من نظرات الشفقة اللي بيشوفها في عيون كل قرايبنا وان كل واحد هيحط لسانة جوة بؤة لما انا اتخطب واتجوز ماما كمان كانت شايفة احمد مناسب جدا وتحت ضغطهم دا وعدم وجود سبب قوي للرفض من وجهه نظرهم انا وافقت بس اللي اتفاجت بية ان بابا اتفق مع احمد علي جواز علي طول بعد شهر ونص كان مصمم اني اتجوز قبل اسلام ولاقتني زي العروسة الميرونيت بيحركوها زي ماهما عايزين وانا مش بعترض مش بتفاعل مش بعمل اي حاجة غير اني بتفرج وبس
واتجوزت احمد فعلا قبل فرح اسلام ومنة واحمد كان ونعم الزوج و عمتة و اخوة كمان كانو بيعاملوني احسن معاملة احمد حبني بجد وكان حاسس اني مش بحبة او بعاملة كويس بس مش بحبة وانا كمان عمري ما قلتلهالة وخلفنا ادم اللي نور حياتي و خلاني احس بمشاعر جديدة بعد ما كنت حسة انة كل مشاعري ماټت بسبب اسلام ... اسلام كمان اتجوز منة و خلف منها كرما بس كان ديما في مشاكل معاها و ع اهله و ماما وبابا كانو بيحكو وهما فرحانين اوي وشايفين ان دا زنبي وربنا بيخلصة منة بس انا هتقولو عليا هبلة او مچنونة انا كنت مضايقة ان اسلام مش مبسوط في حياتة وان حياتة كلها نكد في نكد كدة كان نفسي يعيش حياة كويسة بس طبعا كل دا كنت كتماة جوايا لحد ما جة اليوم اللي غير حياتي كلها و دمرها لما صحيت الفجر علي تلفون من مستشفي اللي شغال فيها احمد و بيقولولي انة احمد وهو داخل يعمل عملية وقع وماټ ايوة ماټ بدات تبكي جتلة سكتة قلبية و ماټ سبني انا وادم ومشي مشي وهو زعلان مني
مني ... نرمين اهدي لو مش قادرة
قطعتها نرمين .. لا لا هكمل بليز سيبيني اكمل
مني ... اوكي كملي 
نرمين ... لما احمد ماټ كان وقتها ادم عندة تلت سنين عمتة من صډمتها مكملتش شهر بعدة و اټوفت وعمرو
كان مكتئب ملحقش يحزن علي اخوة لاقي الست اللي ربتة كمان ماټت بابا استني لما تلت ايام العزا بتاع عمتة خلص و جة خدني انا و ادم عشان مكنش ينفع نفضل مع عمرو كان صعبان عليا اوي كان بيبص لادم والدموع في عينية زي ما يكون بيقولو حتي انت كمان هتبعد وتمشي ورجعت مع بابا البيت و عدت سنة علي ۏفاة احمد كان عمرو ديما معانا و مش مخلي ادم محتاج اي حاجة و كالعادة كنت بعرف اخبار اسلام من ماما اللي كانت كل ما تسمع ان مراتة ڠضبانة او هو ڠضبان عند امة وابوة تفرح وتقولي زنبك 
وفي يوم وانا في النادي ب ادم لاقيت اسلام قدامي بعد كل السنين دي واقف قدامي ومبتسم اوي تنحت ومبقتش عارفة اجري ولا اسلم ولا اسكت ولا اعمل اية مشاعري كلها اتلخبطت و هو قبل ما اخد اى رد فعل ع اني شوفتة قدامي اتكلم
اسلام ببتسامة ... اية المفجاة الحلوة دي ازيك يا نرمين 
نرمين بارتباك ... ا اهلا ازيك يا اسلام
اسلام ... انا كويس مبسوط اوي اني شوفتك انتي بتيجي كتير هنا 
نرمين .. اه لا لا مش كتير يعني 
اسلام ... ممكن اقعد معاكي شوية
نرمين .. انا احم انا كنت ماشية خلاص عشان اتاخرت 
اسلام بحزن ... مش هعطلك صدقيني بس لازم نتكلم ارجوكي يا نرمين 
نرمين ... هنتكلم ف اية بابا
لو عرف اني
كلمتك
قطعني هو ... مش هعرف صدقيني لا انتي هتقولي ولا انا ولو خاېفة حد يشوفنا هاتي رقمك و نتكلم فون او واتس زي ما تحبي لكن انا عندي كلام لازم تسمعية ارجوكي يا نرمين 
ومعرفش ازاي اديتة فعلا رقمي و روحت بسرعة وانا قلبي بيدق پعنف و مش عارفة اانا ازاي عملت كدة بس قبل ما اعرف اني غلطت وقبل ما اندم علي الخطوة دي كان اسلام مكلمني و لخبطني فوق ما انا كنت و خلاني مش عارفة اقول اية ولا اعمل اية
اسلام ... انا عارف انك زعلانة مني بسبب اللي عملتة فيكي زمان انا اسفة يا نيمو عارف ان الاسف اتاخر سنين كتير اوي بس صدقيني كل يوم بيعدي عليا مع منة بعرف فية قيمتك اكتر واكتر وبعرف قد اية انا كنت غبي و ندل معاكي ضيعتك من ايدي عشان واحدة متستهلش طول الوقت مش راضية عن حياتها معايا طول الوقت عايزة عايزة عمرها ما اكتفت خلت علاقتي باهلي زي الزفت ومبقوش طايقني ابويا مش مسامحني اني كنت السبب في القطيعة اللي حصلت بينة وبين عمي انا اسف يا نرمين اسف علي كل الۏجع اللي كنت انا السبب فية كنت معمي والله ياريت تقبلي اسفي وتسمحيلي اطمن بس عليكي من وقت للتاني انا قلبي كان طاير لما شوفتك انهاردة و علي فكرة احلويتي اوي يا قطتي 
قريت المسج كذا مرة و كل مرة قلبي يدق عن المرة اللي قبلها غبية انا عارفة بس عمر حبة ما طلع من قلبي فضلت طول الليل صاحية و بفكر ياتري هو لسة بيحبني ولا بس ندم أنه ضيع حد كويس من أيدية و تاني يوم أول ما صحيت مسكت الفون لاقيت مسج ع الواتس منه 
اسلام ... صباح السكر علي ست البنات 
ابتسمت اوي و لاقيت نفسي بكتبله 
نرمين ... صباح الخير
مفيش ثواني كان فتح المسج وقري و بيكتب 
اسلام ... نمتي كويس 
نرمين ... يعني مش اوي 
اسلام ... ليه كدة 
نرمين ... عادي أنا اصلا نومي مقطع من زمان 
اسلام ... ممممم ماشي يا ستي ياتري يومك ماشي ازاي انهاردة 
نرمين ... مش عارفه لسه هشوفهم برة كانو بيفكرو نسافر كمان اسبوع الساحل ف لو أكدوا عليا هنزل اشتري طلبات ليا انا و ادم 
اسلام ... هتنزلي لوحدك 
نرمين ... غالبا اه يا انا و ادم يا انا لوحدي 
اسلام ... ينفع اشوفك 
نرمين ... اسلام وبعدين معاك بقا انا مش عايزة مشاكل بليز ركز مع مراتك و عيالك انا غلطانة اصلا أن بتكلم كل دا غلط سلام
قفلت وانا مخنوقه و دموعي نزلت اسلام كان حقي انا كان بتاعي انا
وهي خدتة مني كانت معاه وهي عارفه أنه خاطب بس انا مش هكون زيها عشان أنا مش وحشه كدة 
خرجت برة و لاقيتهم بيتفقو ع السفر و احنا قاعدين لاحظت أن بابا شكله مهموم و في حاجة شاغله باله 
نرمين ... بابا مالك 
عبد الله ... مفيش يا حبيبتي 
منال ... لا انت متغير من وقت ما رجعت من المكتب في ايه 
عبد الله وهو بيبص ل نرمين بحذر ... حسين عايز يشوفني و اللي وصلي الرسالة بيقولي أنه تعبان اوي و اتنقل من فترة المستشفي والزعل وحش عشانة وانا مش عارف اعمل ايه 
نرمين ببتسامة ... تتصل باخوك فورا و تطمن عليه و تبلغة انك بكرة الصبح هتكون عندة دا اخوك يا بابا لو سمحت كفاية مقاطعة معاه لحد كدة عشان خاطري انا
منال .. نرمين معاها حق الډم عمرة ما يبقي مية يا عبدة خلاص اللي فات ماټ و العيال اهي اتجوزت و خلفت و كل واحد فيهم بقاله حياة
عبدالله ... طيب تمام طالما دا رايكم هتصل