ما وراء اللغز

مثلا اشتكت ان حد بيضايقها
ابتهال لا ابدا كانت طبيعية جدا ولو كانت فيه حاجة زى دى كانت حكت لينا هى مبتخبيش عننا اى شئ 
احمد يعنى انتم مش شاكين فى حد بعينه!
ابتهال لا لكن قاطعتها تغريد وقالت بغل لا فيه حد ان شاكة فيه
احمد باهتمام مين هو
تغريد مدحت طليقها
مدحت طليقها انا متأكدة ان هو السبب ورا اللى حصل لشمس محدش غيره بيحقد عليها
احمد باهتمام وايه السبب اللى مخليكى متأكدة اوى كده ان هو!
تغريد من شهر ونص تقريبا كان عرف انها اتخطبت لصاحب المصنع اللى شغالة فيه وجالنا عند البيت وهددها انها لو اتجوزت هياخد ابنها وهيحرمها منه ومش هيخليها تشوفه تانى وهيقسيه عليها وقالها لو مرجعتيش ليا هندمك 
احمد فيه شهود ع كلامك ده!
تغريد الجيران كلها سمعته وسمعت تهديداته وقتها طلبت منها تعمل فيه محضر عدم تعرض بس هى رفضت وقالت انه كبيره يتكلم ع الفاضى
احمد تمام احنا هناخد اذن من النيابة ونستدعيه هنا 
بعد فترة قصيرة
وقعد ادام احمد وهو بيعيط وحزين 
احمد
ايه علاقتك بالمجنى عليها
مدحت كانت زوجتى وام ابنى وحبيبتى 
انا كنت بعشق التراب اللى شمس بتمشى عليه واللى بيحب عمره ما يقدر يإذى اترجيتها كتير نرجع لبعض لكنها رفضت 
مدحت انا فعلا جن جنونى اول ما عرفت انها هتتجوز من اللى اسمه كمال صاحب المصنع اللى هى شغالة فيه بس والله كان كلام قولته من ضيقتى وخنقتى مش اكتر
مدحت انا يوم الاثنين بالكامل عندى حصص خصوصى وبروح للطالب فى بيته وكان عندى حصتين فى نفس العمارة طالب تالتة اعدادى من من خمسة لسابعة وطالب فى تانية ثانوى من سابعة لتسعة
احمد ايه الدليل ع كلامك ده 
مدحت الطلبة موجودة واهاليهم وكمان الكاميرات ممكن حضرتك تتأكد بنفسك 
احمد طيب انا هتحفظ عليك فى الحجز من هنا لحد ما نتأكد من حقيقة اقوالك 
مدحت انا اسف انا مش هقعد هنا دقيقة واحدة ومن فضلك عاوز اتصل بالمحامى بتاعى
احمد اكيد من حقك طبعا
اتصل مدحت بالمحامى اللى وصل وقدر انه يخرجه بضمان محل اقامته لحين التأكد من اقواله وبعدها راح احمد بنفسه ع عنوان الطلبة وسألهم هما واهاليهم واكدوا ان فعلا مدحت كان موجود ومخرجش من العمارة الا الساعة ٩ وربع وده كان واضح فى الكاميرات شكرهم احمد ورجع ع مكتبه 
بعد ما تم الډفن رجعت تغريد وامها ع البيت واخدوا واجب العزاء وبعد ما خلص 
عمر كمال عرف ولا لسه!
تغريد
متهيألى معرفش 
عمر ازاى والسوشيال مقلوبة ع الخبر ده وكمان انتى نزلتى نعى ع الفيس والواتس !
تغريد لان هو مش بيفتح نت اصلا وقبل ما تكمل لقت فونها بيرن وكان كمال بصت لعمر وقالت اقوله ايه
عمر اعطينى الفون وانا هقوله 
اعطته تغريد الفون عمر انت فين يا استاذ كمال دلوقتى كمال انا لسه راجع من السفر كان عندى صفقة بخلصها المهم ارجوك طمنى شمس رجعت !
عمر بحزن ينفع تيجى ع البيت ضرورى 
كمال بقلق فى ايه يا عمر شمس فين! رد عليا!
عمر ارجوك تعالى بس ونتكلم 
كمال انا جاى حالا 
نزل جرى ركب عربيته وراح ع منزل شمس ولقى ابتهال وتغريد لابسين اسود وبيعيطوا واول ما فريد شافوا جرى عليه وهو بيعيط عمو كمال ماما راحت عند ربنا وسابتنى
للحظة اتسمر كمال مكانه من الصدمة مكنش مصدق ان حبيبته واللى كانت ايام وتبقى مراته ماټت حاول يجمد لكن مقدرش وانهار بالبكاء وهو حاضن فريد 
عمر
اهدى يا استاذ كمال ارجوك 
كمال انا عايز
اعرف ماټت ازاى فهمونى!
عمر صدقنى احنا لحد الان منعرفش اى حاجة