رواية شرط زواج جميع الفصول كامله
يعني مش عارفه
لا معرفش
خلاص خليها تقولك
ماهي رافضة تقولي ع الشرط اللي طلبته منك
وجننك بالشكل دا وغيرك من ناحيتي وخلاك تخرج
وأنت غضب الدنيا كلها على وشك
خلاص يبقى اكيد بابا عارف
سألته ومقالش حاجه وزغلان اوي من اسلوبك
وطريقة خروجك من بيتنا بالشكل دا
ومش زعلان من اللي زوجته طلبته مني
وجايب اللوم عليا
وبعدين بقى انا تعبت من اللي بيحصل دا
مامتك ووالدك اكيد مش فارق معاهم سعادتك
والا مكنوش طلبوا مني الطلب دا
لاني لو وافقتهم عليه واخترتك..فانا هبيعك في يوم من الايام..
تبيعني ليه
عشان اللي ملوش خير في أهله ملوش خير في حد
شوفي يا بنت الناس انا اه بحبك وكنت ناوي اكمل
باقي حياتي معاكي
كنت !!
اه كنت..لكن بطريقتي وبحياتي انا..ومش عشان أهلك
مستواهم أعلى مني يتحكموا في حياتي بالشكل دا
فضلت تعيط وتترجاني لكني كنت واخد قراري
من ساعة خروجي من بيتهم أن خلاص كل اللي بينا انتهى
وبعد دقايق باب أوضتي خبط
اتفضلي يا ماما
تحب اجهزلك العشا
طيب مش ناوي تقولي بقى الي حصل
اللي حصل ببساطه مفيش نصيب
تمام بس ليه ؟
مستوانا مختلف عنهم..انا فين وهما فين ؟
بس انت كنت عارف دا من الأول
كنت غلطان واديني بصلح غلطي
طب وقلبك ؟
يغور الحب قصاد الكرامه
هي طلبت منك ايه وجع كرامتك اوي كدا ؟
