أنا وزوجي

حاجه بقي انا عايز اخلف بسرعه بدل العيل اتنين وتلاته واربعه يعني ما فيش حاجه اسمها كفايه كده عيل او اتنين لا انا ربنا مديني صحه وفلوس واقدر اربي عشرين عيل كمان..
رحمه بهدوء
حاضر...
طارق 
شكلك هاديه وعاقله ومش هتتعبيني يا رحمه كده اتفقنا...
_ وبعد ما هو مشي روحت للمشرفه وقولتلها اللي حصل منه وقولتلها كمان..
رحمه 
انا مش عايزااه مش موافقه ومش مرتاحه خالص يا ماما خيريه..
خيريه 
ما فيش حاجه اسمها الكلام ده يا رحمه احنا خلاص وافقنا وبعدين هو معاه حق..
رحمه 
بس انا مش مرتاحه وبعدين هو انا تعبت في تعليمي ليه عشان اقعد في البيت..

خيريه 
لا احنا علمناكي عشان تتجوزي واحد زي طارق كده وبعدين انتي تعرفي طارق ومامته بيدفعو كام كل شهر للدار انتي لازم تضحي وتقدمي للدار زي ما كبرتك وعلمتك وبعدين دي جوازه الف مين تتمناها هنا في البنات بس انا عشان بحبك اختارتك انتي للعريس ده..
_وما كانش قدامي غير اني اسكت واوافق اتجوزو وبعد جوازي منه بسنه كنت في يوم بمسح في الشقه وطلعت حماتي من اوضتها وقالت..
الحما 
يا بنتي حرام عليكي نفسك انتي من لما تصحي لحد ما بتنامي مش بتعملي حاجه غير انك بتعملي شغل البيت..
رحمه 
اهو بتسلي يا ماما سعاد انا مش معايا حاجه اعملها وبزهق من القعده..
سعاد 
طيب استني انا هاجي اساعدك..
رحمه 
لا لا طبعا انتي تقعدي زي الملكه وانا اعملك كل حاجه استني انا عملت كيكه حلوه هجيبلك منها..
سعاد 
تسلمي يا حبيبتي والله انا لو عندي بنت ما كانتش هتبقي بحنيتك دي عليا يا بنتي..
رحمه 
ما انا بنتك برضو يا ماما دقيقه واحده والكيك والشاي يكونو عندك..
_ودخلت المطبخ وعملت لحماتي الشاي واخدت كيك من التلاجه وطلعت قعدت معاها..
رحمه 
برضو يا ماما حضرتك مسحتي الصاله..
سعاد
وفيها ايه اهو حركت نفسي كمان شويه بدل القعده دي وكمان النهارده انا اللي هعمل الغدا وهعملك شوية مكرونه هتاكلي صوابعك وراهم..
رحمه 
موافقه عشان نفسي اكل حاجه من ايدك بس بشرط اساعدك فيها...
سعاد بحزن 
طيب ما تكلمي طارق يجي يتغدي معانا ده بقاله يومين بايت بره..
رحمه بدموع
هو انا اقدر اكلمه من غير هو ما يكلمني انا حتي ما اعرفش هو فين..
سعاد
طيب جربي كده تكلميه وما تقوليلوش انت فين انتي بس قوليلو انه وحشك وعايزه تشوفيه..
رحمه بحزن 
طارق مع واحده من ايااهم دلوقتي ولو عملت ايه دلوقتي مش هيجي انا كل يوم بتيجي رسايل اد كده علي موبيلي من البنات اللي يعرفهم بس للاسف مش بقدر اتكلم لانه مش هيرحمني وهيلف الموضوع وهيكسر عضمي زي كل مره..
سعاد بحزن 
ربنا يهديه يا بنتي ويصلح حاله مسيره يرجع لعقله وليكي ولبيته..
_ وتاني يوم انا كنت عند هايدي جارتي اللي ساكنه قداامي هي ومامتها وكنت بشتكيلها من تصرفات طارق وقالتلي..
هايدي
انا عايزه افهم ليه ساكته ما تطلقي منه.
رحمه 
حاولت والله بس هو بيقولي اني لو اطلقت منه مش هلاقي مكان اشتغل فيه وهو بمعارفه يقدر يعمل كده ده غير اني هترمي في الشارع انا ماليش حد..
هايدي 
خلاص يبقي لازم تشوفي حل معاه انا مش عارفه اقولك ايه ده انا امبارح شوفته في كافي وكانت بنت والله انتي احلي منها مليون مره..
رحمه 
خلاص بقي يا هايدي ارجوكي لما تشوفي حاجه زي كده ما تقوليش عليها انا عارفه هو بيعمل ايه كويس..
هايدي 
طيب ما تزعليش وان شاء الله كل حاجه هتتعدل تعالي اوريكي جيبت شوية فساتين جديده تحفه وجيبتلك معايا واحد حلو اووي لما جوزك يرجع ابقي البسيه ليه يمكن يتقي الله بقي ويكتفي بمراته..
_ادايقت