سكريبت رفقا بي يا قدري

تطلعي عشان متجيش متأخره بكرا
_ ضحكت وقولتله بكرا الجمعه ي دكتور
لقيته قاعد سرحان وانا بضحك ف اتكسفت وسكت
ميل عليا وقالي
_ ضحكتك دي متطلعش لحد غيري
لي
_ عشان متخطفش قلبه زي ما خطفت قلبي
نزلت بسرعه وناا مكسوفه اوي ودخلت العماره ولكن قبل ما ادخل اتلفت لقيته مبتسم وبيحرك شفايفه بكلمة بحبك 
يتبع الفصل الاخير

.
رفقا بي يا قدري ....
الفصل الخامس و الاخير
تفاعل القصه جميله جدا 
بصيت عليه لقيته مبتسم وبيحرك شفايفه ويقول
_ بحبك 
قلبي دق بغباء وخدودي احمرت جداا مع انه مقالهاش بصوت عالي بس يكفيني انو قالها
دخلت اجري ف العماره وانا طايره م الفرحه قلبي بيرقص م الفرحه تخيل شخصك المفضل يجي يقولك بحبك اي شعورك
اول ما دخلت شقتي دخلت ع سريري واترميت عليه وناا بضحك اوي وعماله افتكر وهو بيقولهالي ... ثواني ولقيت نفسي بكشر تاني لما افتكرت انو قال انا خاطب
اي دا يعني انا اي بالنسبه له بيلعب بيا مثلا ... هو قال انو بيحب البنت الل هيخطبها دي
تلقائي عيوني دمعت ومن غير وعي فتحت الواتس ودخلت اخدت رقمه م الجروب وسجلته عندي
عحبتني الصوره الل حاططها اوي وعجبني البايو الل كاتبه كان كاتب 
أحببتها كأمنية واحدة واخيرة !
لقيت نفسي ببعتله وبقوله
_دكتور عمرو
مكملتش ثواني ولقيته رد وبيقول
افندم
ايتا مش مسجل رقمي لي بقاا تصدق انك واطي
_ احم انا مريم
مريم مين مش واخد بالي
بزهق_ لا بقااا ركز معايا كدا مهو مش الست بتاعتك الل هتخطبها هتاكل عقلك للدرجه دي ... انا مريم سمير
بعد شويه رد وقال ببرود
اممم افتكرتك ... اتفضلي
استغفر الله هو بيتحول ولا اي من شويه كان روميو قلب ع احمد العوضي كدا لي
مكنتش عارفه ارد ااقوله اي خصوصا ان اسلوبه مكنش لطيف معايا
_ لا مفيش ... اسفه ع الازعاج
شافها ومردش فضلت مستنيه اكتر م ساعه ومردش تقريبا عنده انفصام قومت غيرت عشان انام
لقيت رساله جاتلي منه كانت فويس نوت
فضلت واقفه شويه متردده افتح ولا اطنش

لحد م الفضول خدني وفتحتها وناا همووت واسمع صوته
الرساله كانت صوته وهو بيغني وبيقول
زاد الهوى ف قلبي واصبح عاشقا.. لا ذنب لي بل كنت شبه مغيبا.. ما عاد لي شئ في عمري غيره ... ف انا وقلبي وكل شئ ملكه 
دمعت وناا بسمع الفويس اه والله حقيقي مفيش كدا بعد ما كنت ف قمة ڠضبي منه بقيت مشتاقه اني اشوفه نفسي ابص ف عيونه الل بتربكني نفسي ويهمس ويقولي ي فلاولتي نفسي اشم ريحته الل بتقتلني
رديت عليه وانا بعيط م كتر الفرحه وقولتله
_ هو انت مش خاطب
حصل
يووووووه هيجنني اهو هيجنني اما هو متزفت خاطب بيعمل معايا كدا لي
_ وبعدين
هفهمك كل حاجه بكرا تصبحي عليا ي فلاولتي
قفل وناا زهقت بجد هو لي بيعمل معايا كدا فضلت افكر معقول هيتجوز اتنين مثلا ولا اي
فتحت الفويس تاني وفضلت اسمع فيه لحد ما روحت ف النوم وع وشي ابتسامه حب
صحيت تاني يوم وناا مبسوطه جدا ومش عارفه لي قايمه بكل نشاط اتوضيت وصليت وبدأت اروق ف الشقه
شغلت اغنيه قديمه لاصاله بتقوول قد الحروف الل ف اسامي العاشقين بحبك 
كنت مندمجه ف الترويق ومع الاغنيه لحد ما باب الشقه خبط لبست عبايه بسرعه ولفيت طرحتي وفتحت لقيته وااقف بكل شموخ وهيبه حاطط ايده ف جيبه واول ما فتحت غمزلي وع وشه ابتسامه كفيله تخليني ابصله عمري كله وما املش منه ابدا
اتفاجأت بوجود اهله معاه وشخص غريب واقف
قالي بإبتسامه
_ اي يفلاوله مش هتدخلينا ولا هنفضل واقفين ع الباب