قصة لوط عليه السلام
جدا كان الخبر إنتشر .. راح أهل القرية بسرعة مستعجلين ومهرولين لبيت سيدنا لوط .. وجاءه قومه يهرعون إليه
طلبوا منه إنه يخلي الضيوف يخرجولهم برا .. سيدنا لوط ماكنش بييأس وكان لسه مستمر في محاولة النصيحة حتى لو الأمل ضعيف
قالهم هؤلاء بناتي هن أطهر لكم .. آية 78 سورة هود
المقصود ببناتي هنا هو نساء القوم بشكل عام لإن النبي بيبقى بالنسبة ل قومه في مقام الوالد ف هو حب يبعدهم عن الفاحشة ب توجيههم للإناث الي مخلوقين ومهيئين ليهم في الحلال .. حب يقنعهم بالفطرة
وبعدها حاول يفكرهم بربنا و يصحي فيهم التقوى فاتقوا الله
يعني لا تلحقوا بي العاړ والذل بإنكم تئذوا ضيوفي .. آية 79 سورة هود
إزداد حزن سيدنا لوط حس إنه لوحده راجل غريب جاي من بعيد من غير عشيرة تحميه ولا أولاد ذكور يتسند عليهم وينصروه
قفل الباب ورجع لضيوفه .. كان الضيوف هادئين جدا مش باين عليهم أي خوف أو اضطراب
فإندهش سيدنا لوط من رد فعلهم رغم كل الي سمعوه!
إبتدا القوم يخبطوا جامد على الباب
سيدنا لوط في عز الضيق قال ياريت كان عندي عشيرة وقوة تخليني أحمي ضيوفي منهم أو مكان ينفع أحتمي بيه منهم انا وضيوفي قال لو أن لي بكم قوة أو آوي إلى ركن شديد .. آية 80 سورة هود
ومن رحمة ربنا ومن صدق نية سيدنا لوط ربنا إستجاب فعلا لطلبه قبل حتى مايطلبه .. ف بعتله الحماية الفورية والقوة الجبارة قبل ما يتمناها ..
حبيبنا النبي لما كان بيقرأ الآية دي كان بيقول رحمة الله على لوط لقد كان يأوي إلى ركن شديد ..
لما الضيق بلغ ذروته واشتد ب لوط كربه وقال كلمته
إتحركت الملايكة وقامت قالوله ماتخافش يا لوط إنت فعلا تحت حماية ركن ربك الشديد .. إحنا ملائكة وربنا بعتنا هنا عشان ننجيك .. وقالوا لا تخف ولا تحزن إنا منجوك وأهلك إلا امرأتك كانت من الغابرين آية 33 سورة العنكبوت ..
وننفذ العڈاب على قومك ..قالوا إنا مهلكو أهل هذه القرية إن أهلها كانوا ظالمين .. آية 31 سورة العنكبوت
أشار جبريل ب إصبعه أو يقال ب جناحه .. فإتعمى الناس من
