رواية بائعة الم.تعة
وانا كنت بدعي ربنا بيني وبين نفسي
انها تلاقي المصل
لان لو المهلة فاتت
جلال هيرجع لطبيعتة
بمجرد ما يطلع علية النهار
والعقربة ساعتها هتكتشف انة مش مصاب باي فيرس
وفرصتي في النجاة هتروح للابد
المهم..
بعدما فشلت العقربة في العثور علي المصل بشنطتها
خرجت تجري من غرفتي
وراحت
علي غرفة جلال
الي كان محجوز فيها بالمستشفي
لربما تلاقي المصل واقع في الغرفة ولا حاجة
وبعدما خرجت العقربة
بدات انا اوجه كلامي للقرد
(جلال)
وامرتة انه يجيبلي حقي من العقربة
واثناء ما كنت بصدر اوامري للقرد
لقيت العقربة راجعة للاوضة عندي تاني
وبتعلن ...
عن فشلها في العثور علي المصل
فا اصابتني حالة من اليأس وغمضت عنيا
وانا بقول لنفسي
...يعني مفيش فايدة؟
انا هموت كده خلاص ؟
وفي اللحظة دي
اتفاجئت بالعقربة وهي بتحاوط رقبتي بذراعاها
وبتقولي...
قولي بسرعة علي مكان المصل بتاع اخويا جلال
قبل ما اقتلك
فا رديت وانا بحاول ابعد ايديها عني
وقلتلها...
لو قتلتيني مش هتعرفي مكان المصل
واخوكي هيموت بمجرد ما تنتهي المهلة
فا ردت العقربة بغض.ب
وقالتلي...
انا بقي مش هقتلك
انا هعذبك وهق&طع من جسمك بالحتة
لغاية ما تقولي فين المصل
وقربتة ناحية وجهي
عشان تنفذ تهديدها
في اللحظة دي
استغثت بالقرد
وقلتلة...
انقذني منها بسرعة
قبل ما تق&تلني
وفي اللحظة دي
اخد القرد السرنجة الي فيها الفيرس
من علي الترابيزة
و غرزها في جسم العقربة...
فا لم تلتفت له العقربة
ولا للسرنجة الي في ايدة
ولا اخدت بالها من الي حصلها
من الاساس
وكل الي كان شاغلها...
هو انها تدافع عن نفسها
والقرد طبعا كان بينفذ اوامري
فا امسك با احد الكراسي الثقيلة
واخذ ينهال عليها بالضرب
لغاية ما العقربة سقطت علي الارض
لكن القرد برضوا مسبهاش
لغاية ما اغمي عليها
وبمجرد ما العقربة فقدت الوعي...
اخدها القرد والقاها خارج الغرفة
وبعدها...
غادر القرد واختفي تماما
وانا لقيت نفسي
رجعت لليأس تاني
وخصوصا لما كنت شايفة الاطباء
وهما محتارين لحالتي
الي اتدهورت
وكل محاولات انقاذي بأت بالفشل
وكل الي قدروا يعملوه
هو انهم علقوا ليا محاليل
وتركوني اواجه مصيري
وبدات افقد الوقت...
والساعات بقت تمر
وكل ما الوقت كان بيمر... المرض كان ينال مني
اكتر
وياريت الامر كان علي اد كده
دنا شوفت الممرضة
(الي حقنتني بالفيرس)
وهي بتدخل عندي تاني
وده خلي حالتي تسؤ اكتر
لدرجة اني كنت حاسة باني قربت اغيب عن الوعي
ومكنتش قادرة اتحرك
نهائي
فا سندت جسمي بوسادتي
وغمضت عنيا
واستسلمت للمرض والمoت
واثناء ما كنت تقريبا خلاص بحتضر
سمعت الباب بيتفتح
لكن مشوفتش مين الي دخل
عندي الاوضة تاني
ودا لسببين
اولا...
لاني كنت نايمة و ظهري للباب
والسبب التاني
اني كنت مريضة جدا
ومكنتش قادرة افتح عنيا
لكن ...
لما شعرت
بوجود شخص في الاوضة عندي
كنت بحاول جاهدة
اني اغير اتجاه جسمي
عشان اقدر اتحقق من الشخص ده
لكن قبل ما اعمل كده
سمعت صوت مالوف بالنسبالي
بيقولي...
اطمني انا هحقنك بالمصل حالا
وبعدها ..
شعرت بان حد بيمسك ذراعي
وبعد ثواني..
بدء الشخص ده ...يغرز في ذراعي حقنة
والحقنة وجعتني فعلا
ولما شعرت باللالم
تحاملت علي نفسي
والتفت للخلف
عشان اتاكد ان صاحب الصوت الي سمعتة
هو فعلا
الي اعطاني الحقنة؟
واول ما رفعت رفعت عنيا
وشوفتة
مصدقتش نفسي
لاني اكتشفت...
ان الشخص الي قدر يوصل للوريد في ايدي
ونجح في انه يحقني بالمصل فعلا
يبقي ........؟
بعدما كنت خلاص بودع وحاسة اني بحتضر
شعرت بوجود شخص معايا في الغرفة
وبعد ثواني
حسيت بوخزة في ذراعي
وسمعت صوت مألوف
بيقولي...اطمني انتي اخدتي حقنة بالمصل
فافتحت عنيا بصعوبة
لما سمعت الصوت الي بيكلمني
واول ما بصيت علي الشخص ده
اتفاجئت بشخص لايمكن كنت اتوقع انه عايش اصلا
وليقتني بردد اسمة
وانا منتابني الذهول
وقلت... (ماما )؟
وبدون ما امي تتكلم ولا ترد عليا
لقيتها..
همست في وداني وهي بتطبطب عليا
وقالتلي...
نامي واطمني ...
(انتي مش لوحدك)
في اللحظة دي
كنت عايزة اقرص نفسي
عشان اتأكد ان كان الي بيحصلي ده حقيقي ولا حلم
ولا..هذيان من تأثير المرض
وحاولت اتكلم و اسالها
واقولها...انتي ازاي لسة عايشة يا امي ؟
لكن...امي
تركتني وخرجت من الغرفة
فا حاولت اقوم من علي سريري واروح ورا امي
لكن ...
مقدرتش اتحرك من التعب الي كنت فيه
وشعرت اني راسي تقيلة
وعندي رغبة شديدة في النوم
فا غمضت عنيا واستسلمت للنوم بالفعل
ولاول مره كنت انام
بدون قلق ولا... الم
م الاخر
نمت نوم عميق
ومصحتش غير
علي صوت ياسر
