رواية القادرة بقلم ميرفت السيد
سليم :الله يرحمك يانصر
كانت سارة تبكي بحرقة: كان مصمم يتجوزها رايح لقضاه
الظابط : ربنا يرحمه احنا بس محتاجين توقيعك على المحضر
وقعت سارة واصطحبها سليم هي ولمياء للمنزل وبالطريق قصت عليها لمياء ماحدث
فقالت سارة :هما بدأو بدري ليه كدة حتى انت يااحمد ياللا معلش عالعموم مش وقته خالص
سليم:انا جنبك ومعاكي وشاهد على كل حاجة
سارة : سيبها على الله ياسليم نوصل الأمانة لقبر.ها ونستعد للحرب
وصلوا البيت سارة لقته فاضي كلعت على شقتها هي ولمياء واتصلت بامل وطلبت منها تخلي بالها من الاولاد لان الجن.ازة بكرة
وتم د.فن نصر بعد صلاة الضهر بجنازة كبيرة وسط بكاء الجميع عليه
وكذلك سارة بعزاء السيدات
وقررت سارة اغلاق المحلات لمدة اسبوع
وانتهى العزاء
دخلت سارة المنزل لتتفاجيء ب……
يتبع…
اتفاجئت سارة باشقاء نصر وزوجاتهم بانتظارها بالطابق الأرضي ويجلس معهم احمد وكل اولاد نصر
بقلم مرفت السيد
قالت سارة للمياءهامسة:الحرب ابتدت اطلعي فوق اتصلي بالمحامي ييجيلي ضروري دلوقتي ونيمي الاولاد
لمياء :مش هسيبك لوحدك
سارة:متقلقيش عليا
ودخلت سارة وجلست بثقة واضعة قدما فوق الأخرى ونظرت اليهم في صمت
قال سليم:في ايه ياجماعة ملمومين ليه كدة
قال سعد: عاوةين نتكلم مع ام حسن وحسين شوية
رد سامي :ايوة في طبعا حق ولاد اخونا
سارة:اه مش فاهمة
ياسر: انتي طول عمرك ذكية يعني الليلة دي هاتتقسم ازاي
سليم بعصبيه :وانتو مالكم بقولكم إيه انا من زمان وساكت انا والمرحوم اتنازلنا عن حقنا ليكم وانا بأبات بشقة ابويا اكني ضيف انما نصر وولاده ومراته ميخصكمش لان نصر
قاطعته سارة :سيبهم ياسليم
المحامي بالطريق هو كلمني الصبح وعزاني وانا طلبت منه ييجي يوضح بنفسه الوضع
مروة بسخرية:وضع ايه ياحبيبتي احنا اتفقنا سعد جوزي عم الاولاد يبقى عليهم
ياسر :لا تتكلم براحتها
سارة:كلمة كمان ومش هعمل خاكر للمرحوم وهاطلب البوليس يرميكم برة
سعد:ليه هو كان بيتك
سليم بعصبية :حتى انت شحنوك وبتتكلم انتو ليه مصرين تقابلو معروف نصر معاكم بالاساءة
رد كريم احد الاشقاء:مش بيتك ولامحلاتك لوحدك ياام حسن
مروة:اه متعرفيش تطردينا
دخلت لمياء ووقفت بجوار سارة وهمست لعل:الولاد ناموا وسبت معاهم الخدامة
جلست سارة وابتسمت بثقة وقبل ان ترد
دخل المحامي وقال: لآ تقدر يامدام
اسمعو كلكم انا كنت هافتح وصية نصر بعد مرور ايام الع.زاء ولكن بما انكم استعجلتو لازم تعرفو الوضع الحالي وتسمعو وصية نصر ااي كتبها بعد ماقام من الغيبوبة بالمستشفى
سليم :اتفضل يااستاذ
