صاحبة التليفون بقلم عمرو راشد
انت في الصفحة 2 من صفحتين
بتخونك يا فريد
انت هتقول انت مين ولا اقفل السكة
متقدرش بس عموما انا هقولك انا مين انا مستنيك دلوقتي في كافيه هبعتلك عنوانه حالا قدامك 25 دقيقة بالظبط لو مجتش انا همشي
قفل المكالمة وبعدها علطول الرسالة وصلت بالعنوان والعنوان مش بعيد ولحسن الحظ كان في تاكسي قدامي ركبته ووصلت قبل المعاد ب 5 دقايق دخلت الكافيه ببص يمين وشمال افتكرت اني معرفش شكله بس معايا رقمه كلمته وسمعت صوت تليفون بيرن لما ركزت اكتر لقيت انه بتاع الويتر جريت عليه و مسكت فيه ب إيديا الاتنين
والله ما عملت حاجة ولا فاهم حضرتك بتتكلم عن ايه
بجد قول والله امال رقمك عندي بيعمل ايه انت اللي لسة مكلمني من شوية
يا أستاذ انا معرفكش اصلا عشان اكلمك
الناس بدأت تتجمع حوالينا وبيطلبو مني اني اهدا و اسيبه
ااااه اكيد حضرتك متقصدنيش انا من شوية كان في زبون هنا وطلب مني انه يعمل مكالمة من تليفوني
في اللحظة دي تليفون ماجدة رن تاني كدا اتأكدت انه مش هو و رديت
سيب الراجل يا فريد انا اللي كلمتك مش هو
هو مش كان في بينا معاد مجتش ليه
مين قالك اني مجتش لا انا جيت وشايفك دلوقتي
شايفني ازاي يعني
مش مهم شايفك ازاي المهم انا عايز اساعدك
مش عايز مساعدة منك انا كل اللي عايز
اعرفه مراتي فين لو تعرف قول لو متعرفش سيبني في حالي
طلب ايه
هتعرف لما توافق
اعتبرني وافقت طلب ايه بقا
عايزك تجيبلي حاجة من بيت طليقتي
حاجة ايه
ورق ورق مهم اصل هي رافضة اني ادخل الشقة وانا محتاج الورق دا ضروري
اسرقه يعني
تقدر تعتبرها كدا
وانا موافق بس لو نفذتلك الطلب دا هاخد مراتي
مجرد ما تسلمني الورق هسلمك مراتك
روحت البيت مكنتش عارف انام دماغي هتتشل من التفكير أسئلة كتير في دماغي مين دا وبيعمل كدا ليه وماجدة بتعمل عنده ايه وليه عايزني انا بالتحديد و ازاي ماجدة عنده و الراجل قالي ان في عربية خبطتها حاجات كتير مش قادر افسرها الحل الوحيد اني أصبر فضلت قاعد ل تاني يوم كل حاجة عن البيت كانت عندي نزلت و بناء على رسايله كنت بتحرك أول حاجة كانت اني اقعد على كافيه على اول الشارع بتاع البيت لحد ما يديني إشارة طلبت القهوة وفضلت قاعد مستني إشارته لحد ما عدت ساعة وأنا مستني بعدها بعتلي رسالة
فلاش باك
هو دا ايه بتاع ايه المفتاح دا
دقيقة وهتفهم حضرتك
بعدها التليفون رن
هو ايه المفتاح دا
امال هتدخل الشقة ازاي دي نسخة من مفتاح الشقة
ولما انت معاك كل حاجة ليه متدخلش انت
لاني بيني
وبينها مشاكل كتير ولو حصل حاجة هكون انا اول واحد تشك فيه انما انت محدش يعرفك
دخلت الشقة بمشي براحة ماشي على حسب وصفه روحت على اتجاه المكتب زي ما قالي فتحت الدرج وخدت الملف اللي هو طلبه وأنا خارج من أوضة المكتب شوفتها واقفة مړعوپة ايوا كانت هي
ماجدة أنتي بتعملي ايه هنا
يتبع.. الجزء الأول تابعونا اليوم فى الجزء الثانى
